ICH hertzog Friderich von Teck vergich mit sampt allen meinen erben offenlich mit disem brief vnd tu^on kunt allen den di in ansehent oder ho^erent lesen, daz ich gelten sol dem erbern herren hern Eberharten von Waltse von Lintz vnd sein erben drew hundert guldein vnd dry vnd sechtzig guldein die er oder sein erben nemmen su^ellen auf die nechsten weinachten die nv schirist choment von der werung, die mir mein herre von O^esterreich zdem zil vf die selben weinachten geben sol. Wer aber daz dem vorgenanten hern Eberharten oder sinen erben die vorgenante geltschulde auf das egenante zil verzegen wurde, so sol er si danne haben zu^e minen truwen vnd zu aller miner vnd miner erben hab. Daru^eber ze vrchund gib ich disen offen brief versigelten mit meinem anhangenden ingesigel, der geben ist von Christi geburde tousent drevhundert vnd fu^onfzig vnd dar nach in dem achteden jare dez samtztags vor sant Johans tag ze svnnwenden.

Source Fulltext: OÖUB 7 (Wien 1876), S. 580f., Nr. 571