Ich Fridereich von Walsse von Drosendorpf ze den cziden chamermaister des hogepu^ornen fuersten herczogen Rudolfs ze O^esterreich ze Steyr vnd ze Kernden vergich und tu^on chund, daz ich hern Eberhart von Chappellen und seinen erben di lehenschaft ze Swertperg und all di rechten di ich daran han von meiner wierttinnen wegen Claren hern Leutolds tochter von Chonnring dem Got gnad, gegeben han ze chau^offen und pin auch des chau^offes ir gewer an aller der stat do in des du^erft geschicht mit recht, und schol in auch daz auzrichten, mit urchu^ond des briefs versigilt mit meim anhangu^onden insigil. Des ist gezu^og her Chadolt von Ekhartsaw^o mit seim anhangu^enden insigil. Der brief ist gegeben nach Christs pu^ert dreuczehen hundert jar darnach in dem neun und fumfczigisten jar an sand Erhartstag.

Source Fulltext: OÖUB 7 (Wien 1876), S. 609, Nr. 600