Universis christicolis hanc paginam inspecturis, judices procurator jurati nec non comunitas Liberae Civitatis salutis eterne cum promptitudine famulatus triumphum peroptatum. Ex quo dominus noster Jesus Christus in spem pauperum secundum veritatis ewangelice doctrinam se honorari ali et recipi se docuit, fructuosa nempe utique talis censetur elemosina que pie credentibus non ipsi pauperi sed verius omnium salvatori datur et presentatur. Hinc est quod cum hospitale extra menia Liberae Civitatis gloriose virginis Marie Thome apostoli Stephani protomarthyris Laurenti Martini Erasmi Antonii undecim millium virginum Elizabeth vidue et quam plurimorum sanctorum in honore constructum de suis non habeat facultatibus seu redditibus quod numerositati egenorum ibidem decumbencium victualium necessaria valeant ministrare, noscentes eciam prelatum hospitale ex incendii penculo bina vice totaliter fore orbatum quod mediante vestri presidio nullatenus reedificare nequimus. (!) Quapropter universitatem vestram in domino exhortantes fiducialiter obsecrando quatenus virginem Mariam almam Christiferam precipuam peccatorum advocatam, in cujus ecclesia omni die misse cum devocione celebrantur, in qua eciam dicti hospitalis ecclesia miracula in egrorum curacione et demoniorum expulsione uberiter clarescunt oculis perferentes nuncios ejusdem hospitalis dum vos pro elemosina duxerint visitando benigne pertractantes claritatem recipiatis de rebus vobis a Deo collatis pia subsidia ipsis exhibituri, ut per seminum honorum operum multiplicacionem valeatis ethereas conscendere mansiones. Omnibus vere penitentibus confessis et contritis qui sepedicto hospitali manus porrexerint adjutrices a quinquaginta tribus — (LIIIus) episcopis archiepiscopis et cardinalibus ab unoquoque quadraginta (XL) dies criminalium et octoginta (LXXX) dies venialium misericorditer in domino relaxantur. Datum in Libera Civitate anno domini millesimo trecentesimo sexagesimo primo (M°ccc°LXI°) in vigilia pentecostes, scientes quod nuncii nostri debilibus in prefato hospitali decumbentibus laborant pro parte et non pro censu.

Source Fulltext: OÖUB 8 (Wien 1883), S. 19f., Nr. 21