Wir Fridreich von Gotes genaden bischolf zw Regenspurgk bekennen offenlich mit dem brief, das wir alle die lehen die den edlen erwirdigen graf Wernharten von Schawnberg von seinen pruedern anerstorben sindt und die von unns und unnserm gotzhaws ze Regenspurgk lehen ru^ertt, den edlen erwirdigen dem vorgenanten graf Wernharten dieselben lehenn und allew andrew lehen die er von unns ze lehen hat und von unserm gotzhaws gemacht nach seinem tod mit unser handt gunst und willen seinenn vorgenanten vettern graf Ulrichen und graf Hainrichen bruedern von Schawnberg und allen irren erben, so habent dieselben graf Ulrich und graf Hainrich Wernharten hinwider mit unser hant gunst und willen gemachtt die vorbenanten selben lehen allew und alle andrew lehen di sy von unns und unserm gotzhaws habent. Bestatten auch die egenant gemacht. Mit urkund ditz briefs, den wir daru^eber geheim versiglt mit unserm anhangunden insigl. Der brief ist geben ze Schawnberg do man zallt von Kristi gepu^ertt drewzechenhundertt jar darnach in dem ains und sechtzigisten jare des nagsten suntags nach sannd Kathrein tag der heiligenn junckfrawnn.

Source Fulltext: OÖUB 8 (Wien 1883), S. 50, Nr. 48