Wir Ru^odolff der vierd von Gotes gnaden erczherczog ze O^esterreich ze Steyr und ze Kernden here ze Krain auf der Windischen Marich und ze Portenaw graf ze Habspurch ze Phirt und ze Kyburch marichgraf ze Purgaw und lantgraff in Elsazzen bechennen und tun clumt offenlich mit disem brief umb den hof ze Meinhartzdorf gelegen auf der Persink, und ain mu^ol daselbs auf der Persink die dartzu^o geho^eret, und ain ganz lehen ouch ze Mainharzdorf gelegen und swaz zu^o im allen gehoret ze veld und ze dorff swie das genant ist daz allez geschaczet ist fur newn phunt herren geltes, das unser getrewer Andre der Mu^olinger von Hertzogenburch von uns ze lehen gehabt hat und das er mit unserm gunst und guten willen verchauft hat den erbern und geistlichen dem abt und dem convent ze Varenpach, daz wir lauterlich durch Got und durch unser und aller unser vordern sele hail und trost willen die aigenschaft der egenanten gu^eter demselben gotzhaus ze Varenpach gegeben haben und geben auch mit disem brief fur uns unser pru^eder und erben, also daz si die furbaz inehaben und niezzen sullen ze gleicher weise als si ander ir aigen gu^eter innehabent und niezzent, mit urchu^end ditz briefs besigelten mit unserm grozzen insigel. Geben ze Wien an unser frawntag ze der chundung nach Christs gepurd drewtzehen hundert jar darnach in dem zway und sechzigistem jar unsers alters in dem drew und zwainczigistem und unsers gewaltes in dem vierden jar.||
+ Wir der vorgenant herczog Ruodolf sterken diesen prief mit dier underschrift unser selbs hant.

Source Fulltext: OÖUB 8 (Wien 1883), S. 68f., Nr. 65