Wir Ru^odolf von Gotes gnaden hertzog ze O^esterreich cze Steyer and ze Kernden bechennen und tu^en chunt offenlich mit disem brief, daz wir unserm lieben getrewen Eberharten von Walsse von Lincz die tausent phunt phenning die wir im gelten sullen und schuldig sein an der losung ze Newmburg auf dem In, geslagen haben und slachen ouch uf unser vogtey ze wels und uf unser vest Seusenburg und swaz darzu^e geho^ert also, daz er und sein erben dieselben tausent phunt wienner phenning darauf haben sullen ze geleicher weis als si ander gelt vor von uns dar auf habent nach sag der brief die in vor von uns geben sind. Des geben wir ze urchunde disen brief versigelten mit unserm insigel, der geben ist ze Wienn an mitichen vor dem palmtag nach Christs gepurdt drewczehen hundert jar dar nach in dem zway und sechczigisten jare. + Hoc est verum. +

Source Fulltext: OÖUB 8 (Wien 1883), S. 73f., Nr. 70