ICH Syghart der Gneu^ezz und all mein erben verjehen, daz ich gegeben han meiner lieben hawsvrawn vrawen Alhaiden der Ybenin su^ebentzich pfunt wienner pfening ze rechtem heyratgut nach lantz recht ob der Ens auf den ho^effen und zehent die hernach geschriben stent, auf dem hof datz Perno^ed mit den zwain tailn zehentz doselben, der gelegen ist in Newnchircher pfarr in Wechssenberiger gericht und leben ist von dem edeln herren hern Ru^edgern von Starhenberich, und auf dem hof datz Arnberig mit den zwain tailn zehentz doselben, der mein rechter satzze ist von dem vorgenanten hern Ru^edger von Starhenberich fu^er viertzich pfiint pfening und vier pfunt pfening und gelegen ist in der vorgenanten pfarr, und auf dem halben hof datz O^ed, der gelegen ist in Veltchircher pfarr und lehen ist von dem edeln pischolff ze Pabenberich. Wer aber daz mein vorgeturnter herr her Ru^edger von Starhenberich oder sein erben von unz losten den vorgenanten hof ze Arnberig, so schu^ellen die egenanten viertzich pfunt pfening und vier pfunt pfening meiner vorgenanten hawsvrawen vrawen Alhaiten wider angelegt werden mit ainer gewizzen nach unsrer paider frewnd rat do si si und ir erben wizzen ze vinden. Daz der vorgenanten vrawen Alhait meiner lieben hawsvrawen und allen iern erben die red stett und untzerprochen beleib, doruber so gib ich vorgenanter Syghart der Gneu^ezz und all mein erben in den offen brief wol versigelt und bestet fu^er allen chu^enftigen chrieg mit meim anhangunden insigel, und mit meins lieben suns Hansen des Gneuzzen anhangunden insigel, der auch der sach und der wandlu^eng mitsampt mir rechter gewer und selb geschol ist, und zw^e ainer zewgnu^ess pesser sicherhait versigelt mit meins lieben gena^edigen herren hern Ru^edgerz von Starhenberich anhangu^enden insigel, der auch der vorgenanten zwaier ho^eff und zehent rechter lehenherr ist, und mit meinz lieben pruder Hansen dez Gneuzzen anhangunden insigel. Der brief ist gegeben do man zalt nach Christez gepu^ertt drewtzehen hundert jar und dornach in dem vier und sechtzigistem jar an sand Agnesen tag der heiligen ju^enchvrawen.

Source Fulltext: OÖUB 8 (Wien 1883), S. 163f., Nr. 159