Wir Stephan der elter von Gotes genaden pfallentzgraf bey Rein und hertzog in Bayrn bechennen offenleichen mit dem brief fur uns und fur all unser lieb sün, daz wir einen sacz aufgenomen haben mit erwürdigen fursten hern Albrechten bischof ze Pazzaw mit der vest und dem margt zu Obernperg und auch was darzu gehort gen alln unsern landen und allen den unsern mit der beschaiden, wenn wir in oder si uns absagen den obgenanten sacz, darnach sol ez ze baider seit mit frid besten einen moneit, ze geleicher weis sol uns der obgenante byschof Alber einen solichen brif herander antwurten trewlichen. mit urchund ditz brifs den wir im geben mit unserm insigel versigeltem, der geben ist zu Purkausen an suntag vor sand Cholmanstag nach Krtsti geburt dreutzehen hundert jar darnach in dem acht und sechczigisten jar.

Source Fulltext: OÖUB 8 (Wien 1883), S. 397, Nr. 401