Ich Fridreich der Swartz und all mein erben verjehen, daz wir zu chauffen haben gegeben herrn Jorgen von Volchenstorf und seinen erben unser güt genant datz Erdprüst in Alchofer pharr mit allen den eren und rechten und nützzen und zu demselben güt gehört, und wir iz von alter her pracht haben und daz unser rechtz aygen gewesen ist, umb vier und tzwaintzig phunt wienner phennig der wir von in gantz gericht und gewert sein , ...... Und daz in daz also stat und untzubrochen bleib, darüber gib ich in den offenn prif versigelt mit meinem anhangunden insigel, und zü ainer pessern sicherhait und gefügnüzz versigelt mit dez erbern Gosscheleins von Lazzenstorf anhangundem insigel im und seinen erben an schaden, der prif ist geben nach Christi gepürd uber dreutzehenhundert jar und darnach in dem newn und sechtzichstem jar an sand Merten tag.

Source Fulltext: OÖUB 8 (Wien 1883), S. 439f., Nr. 446