Wir Steffeln der elter wir Steffan und Fridreich gepru^eder des egenanten Steffanns des eitern sun all von Gottes gnaden pfallentzgraven bey Rein und hertzogen in Baiernn etc. bekennen offennlich mit dem brief fu^er unns all unser eriben und nachkomen, das wir mit wolbedachtem muett und mit unser besten frewndt rate darzw nach unsers rats ratt uns ewicklich verpunden haben mit unsern landen und lew^etten und mit aller unser macht und herschefften di wir ytzt haben oder ku^enfftigclich gewinnen, zw dem edlen wolgeborenn graf Ulrichen von Schawnnberg und allen sein erben und nachkomen wider aller manigclich nyemant ausgenomen in welhem wessen der sey also, ob sy yemant nu hin fu^erwasser angreiffen laidigen oder beswa^erenn wolt an seinen vessten freihaitten lew^etten oder gutern, das wir sy dar inn beschirmen beschu^etzen und beholffen sullen sein alss offt und wie dick in des not beschiecht, mit unsern landen und lew^etten helffern und gunern und mit aller unser macht trewlich an alles geva^er, als wir des zw baiderseitt unser trew an aydes statt gegeben haben di obgenanten artigkl all trewlichen statt zw halltenn und gantzlich zw volfu^eren als sy von wortt begriffen sind aber trewlichen angeva^er. Und des zw urkund geben in obgenant herrn den brief mit uns.erm anhangunden insigl versigelten, der geben ist bey der kirichen zw Egkkoltzsperig nach Kristi gepu^erd drewzechenhundertt jar darnach in dem sibentzigisten jar des nagsten montags nach sannd Bartlmenn tag des heiligen zweliffpotten.

Source Fulltext: OÖUB 8 (Wien 1883), S. 484f., Nr. 488