ICH Jo^erig der Hoewsler und ich Marichart der Hoewsler sein sun und alle unser erben wier vergehen, daz wier verchowfft haben vor rechter ehafter not von der geltschuld wegen darinne wier halt sein gewesen hintz christen und hintz juden und davon wier mit nichtew anders mochten cho^emen nu^er daz wier unser erb als hernach benant ist verchouffen muesten. Von erst mit unsers lehenherren hant des hochgeporn fu^ersten hertzog Albrechts ze O^esterreich ze Steir ze Kernden und ze Krayn grafen ze Tirol etc. unsers rechten lehens daz wier von im ze lehen gehabt haben, allen unsern tail den wier gehabt haben an der vestt ze Pu^erchstal und allen unsern tail den wier gehabt haben an dem markcht doselbens und die vischwaide auf der Erlaf von der egenanten vestt hinabwertz einer meil lankch von ainem lannt an das ander, und auf der mu^el gelegen doselbens ze Purchstal die genant ist die Zitzmans mu^el, viertzehen schilling und vier und zwaintzig pfenning wienner mu^enzze zway lempper und hundert ayr vier herbsthu^eener und vier vaschanghu^eener, und drew ho^eltzer mit grunt mit alle gelegen ains in der Sichaw und daz ander in dem Pirichsech und daz dritt in der Rogatz und haizzt im Sindlekke, und unser drey wisen gelegen bey der egenanten vestt ze Pu^erchstal und alles paw und wismat daz zu unserm tail derselben vestt geho^eret, und dartzue alle die gu^elt die hernach an dem brief geschriben stendt: von erst unsers rechten aygens ayns und dreizzig phunt und ainen phenning wienner mu^enzze geltes gelegen auf den hernach geschriben gu^etern und die zu den zeiten die hernach benanten holden dient, und ist geschatzt ye ayn metz waitzs umb fumftzehen phenning ein metz chorns umb zehen phenning eyn metz habern umb vier phenning ein scho^et harbs umb zwelif phenning ein gemeste ganns umb zehen phenning ein herbsthuen umb zwen phenning und ein vaschanghuen umb drey phenning; von erst auf behaustem gu^et Ott an der O^ed und Hainreich sein gemainer (sic) ayn phunt phenning vier herbsthu^eener und zwai vaschanghu^eener, der Chynel siben schilling und zehen phenning drew herbsthu^eener und drew vaschanghuener, die Hoewginne under dem Holtz ayn phunt und zehen phenning drew herbsthu^eener und drew vaschanghu^eener, von dem gut an dem Weg siben schilling phenning. Der No^erdweyn von des Tawfsweyn lehen sechsthalben schilling phenning zwaintzig air die ouch gerait sint ye zehen ayr fu^er ainen phenninch drew herbsthu^eener und zway vaschanghu^eener. Von dem gu^et do der Ro^esel auf gesezzen ist viertzehen schilling phenning ein gemeste ganns vier herbsthu^eener und vier vaschanghu^eener. von dem gu^et an dem Harde siben schilling und zehen phenning vier herbsthu^eener und vier vaschanghu^eener und viertzig ayr. Von dem hof ze Hag newn schilling phenning und an sand Mertteins tag fu^er ein sweyn sechs schilling phenning. Von dem lehen ze Rosenaw newn schilling phenning vier herbsthu^eener drew vaschanghu^eener und viertzig ayr. Die wittib auf der Chugel sechsthalben schilling phenning dritthalb herbsthu^eener zway vaschanghu^eener und zwaintzig air. Von des Fuchs hof zehen schilling phenning vier herbsthu^eener vier vaschanghu^eener und sechtzig air und ein gemeste ganns und ein scho^et harbs und doselbens von der hofstat fu^emf schilling phenning zway herbsthu^eener und ein vaschanghuen und fu^emftzehen ayr; Hainreich in der wis fu^emf schilling phenning, Chunrat an dem Chranekke fu^emff schilling und fu^emf phenning drew herbsthu^eener und drew vaschanghu^eener, von dem gu^et in der wis do Gebhart auf gesezzen ist acht metzen waitzs einen mutt habern siben schilling phenning oder ein sweyn fu^emftzehen chaes oder achtthalben schilling phenning und zway scho^et harbs; Chunrat in der Rogatz fu^emf schilling an sechs phenning zway vaschanghu^eener und ein scho^et harbs. Ulreich an des Swaben lehen ein halb phunt an drey phenning ein scho^et harbs und zway herbsthu^eener, Chunrat in der Rogatz sechs schilling an drey phenning zway herbsthu^eener und zwai scho^et harbs, von Gotfrids lehen an der Lochnytz ain phunt und zehen phenning drew herbsthu^eener und zway vaschanghu^eener. Die Rayn Matz von einem gu^et in der Rogatz dreizzig phenning und zway herbsthu^eener. Von zwain gu^etern gelegen auf dem Hachsenperg von jegleichem gu^et ainen mutt chorns und dritthalben und zwaintzig metzen habern ayn halb phunt dritthalben und zwaintzig phenning und zway scho^et harbs. Von der mu^el an der Heiligenstat zwelif schilling phenning vier herbsthu^eener vier vaschanghu^eener ayn viertail semelmel oder zehen phenning ainen halben chelberspawch oder zehen phenning. Von dem gut im Zeylech do der Walseber auf sitzt, zehen schilling phenning vier herbsthue^ener vier vaschanghu^eener. Von einem gu^et ist gelegen vor dem Holtz in Lienharter pharre da zu den zeiten Jacob auf gesezzen ist dient all hochtzeit sectzig phenning und an sand Michels tag drey schilling phenning. Darnach auf u^eberlent fu^emftzig phenning geltes gelegen auf rawtt an der Lochnytz und siben schilling geltes auf der wis in der Sweyntz. Darnach aber mit unsers lehenherren hant des vorgenanten unsers genedigen herren hertzog Albrechts ze O^esterreich fu^emfthalb phunt und sechs und zwaintzig phenning wienner mu^enzz geltes gelegen auch auf behaustem gu^et die zu den zeiten die hernachbenanten holden und gu^eter dienent: des ersten von dem gu^et an dem Nuesche zway phunt phenning ain gemeste ganns zway herbsthu^ener zway vaschang¬hu^eener; von zwain gu^etern gelegen ze Mu^elarn beieinander da zu den zeiten auf gesezzen sint der Reschs auf ainem und der Stu^eell auf dem andern und dient igleich gu^et newn schilling phenning vier herbsthu^eener vier vaschanghu^eener ein gemeste ganns und dreizzig air. Darnach mit unsers lehenherren hant des hochwierdigen fu^ersten bischof Chu^enrats ze Regenspu^erch unsers rechten lehens das wir von im und demselben seinem gotshaws ze lehen gehabt haben siben phunt zwen und achtzig phenning wienner mu^enzze geltes auch gelegen auf behawstem gu^et als hernach benant ist: von erst auf dem hof an dem Weyngericht zwai phunt und siben schilling phenning vier herbsthu^eener vier vaschanghu^eener und hundert ayr. Auf dem hof ze Satzung viertzehen schilling phenning zway herbsthu^eener zway vaschanghuener und doselbs auf der hofstat ein halb phunt an zehen phenning zway herbsthu^eener und zway vaschanghu^eener, auf des Fu^eeters hofstat an dem Geyrsperg sechtzig phenning. Der Wetzelstain von Zaydemstorf fu^emf schilling phenning und doselbs der Stoengel drey schilling phenning und doselbs auf einer mu^el sechs schilling und zwelif phenning. Darnach mit unsers lehenherren hant des hochwierdigen fu^ersten bischof Albrechts von Pazzow unsers rechten lehens das wir von im und demselben seinem gotshaws ze lehen gehabt haben, die zehent auf den hernach geschriben gu^etern die geschatzt sint daz si wol tragen ain jar dem andern ze hilffe jerleich drey mutt und sechs und zwaintzig metzen chorns und vier mutt und ayndlef metzen habern. von erst auf dem hof datz Satzung im Stayn und auf der Pharrhofstat doselbens zway drittail zehents geschatzt jerleich fu^er drey metzen chorns und sechs metzen habern. Datz No^ettendorf in Rueprechthofer pharre ein drittail auf dryn gu^etern den zehent geschatzt jerleich fu^er acht metzen chorns und acht metzen habern; datz Grueb den halben zehent geschatzt jerleich fu^er ainen und zwaintzig metzen chorns und zwen und zwaintzig metzen haberns. An dem Nuesch und an dem Pu^etersperg halben zehent geschatzt jerleich fu^er vier metzen chorns und sechs metzen haberns; datz Seling ein sechstail des gantzen dorfzehents und auf zwain hofsteten in dem Stekchech und auf einem akcher auf der Wolfmans O^ed auch ain sechstail geschatzt jerleich fu^er newn metzen chorns und newn metzen habern. Datz Schelnpach gantzen zehent geschatzt jerleich fu^er vier metzen chorns und fu^emf metzen habern. Auf dem Pru^eelhof in sand Lienharts pharre und auf einer hofstat doselbs zway drittail zehents geschatzt jerleich fu^er sechs metzen chorns und fu^emf metzen habern. Auf dem Weynperg auf vier hofsteten gelegen beyanander halben zehent geschatzt jerleich fu^er zwelif metzen chorns und viertzehen metzen habern. auf dryn gu^etlein an dem Ovenpach der Poechlinn hof des Zechmairs hofstat und Chu^entzleins des Du^erren hofstat zway drittail zehents geschatzt jerleich fu^er acht metzen chorns und zehen metzen habern. In dem Wolfpache auf des Wutzen hof ein drittail zehents geschatzt jerleich fu^er drey metzen chorns und fu^er drey metzen haberns. Auf dem hof datz dem Wildmair zway drittail zehents geschatzt jerleich fu^er fu^emf metzen chorns und fu^emf metzen habern. Auf dem hof in der Grueb do Seyfrid auf sitzet zway drittail zehents geschatzt jerleich fu^er fu^emf metzen chorns und sechs metzen habern. Auf des Smidleins lehen zway drittail zehents geschatzt jerleich fu^er fu^emf metzen chorns und sechs metzen habern; in dem Weingraben auf zwain hofsteten und auf einem lehen auf dem Prachenperg ein drittail zehents und den zehent auf einen lehen gelegen datz Haslach bei der Moenkch alles geschatzt jerleich fu^er newn metzen chorns und newn metzen habern. Auf dem Cho^erendel hof zwai tail zehents geschatzt jerleich fu^er newn metzen chorns und newn metzen haberns. Auf dem hof datz dem Raydenschoph halben zehent geschatzt jerleich fu^er fu^emf metzen chorns und fu^er fu^emf metzen habern, und auf den vorgenanten gu^etern datz Zadmanstorf drey metzen habern gelts vorstfueter. Auch haben wir verchoufft unsers rechten aigens die erbvogtey der gu^eter die do geho^erent zu der chappellen in der vest ze Purchstal, daz ist ein hof gelegen datz Prukk und ein hofstat ist genant des Schreiber hofstat und ein gu^et datz Hainreichen an dem Aigen und ein gu^et ist genant des Tostlehen gelegen an der Lochnytz und ein gu^et gelegen auf dem Weinperg das Seydel Scho^eberl innehat und die vogtay der gu^eter hernachgeschriben die geho^erent zu der pharr ze Purchstal; ein gut an dem obern Aigen gelegen bey Meriger stetten und dient jerleich ein vogthuen, ein gut an dem Lehenroewt und dient jerleich zway vogthu^ener, ein gut an dem Rotenperg do der Ploettel auf sitzt dient jerleich zwey vogthuenrr, ein chrawtgarten in der Motzlitz dient jerleich ein vogthuen, ein gu^et an dem Tamelsperge dient jerleich zway vogthuenrr, ein hofstat do der Choemel auf gesezzen ist dient jerleich zway vogthuenrr. und die vogtay der gu^eter die geho^erent zu der ewigen messe die wir gestifft haben in der pharr ze Purchstal, daz ist ein gu^et an dem Mairhof do Chu^enrat dieweil auf gesezzen ist, und ein gu^et in dem Pirichech, ein gut in dem Zenpache und ein gu^et datz Weingarten an dem Perg, ein gu^et datz Pilgram an dem Ort, ein hof datz Harbach, ein gut datz Hainreichen auf der Strazz, ein gu^et datz Ulreichen dem Holtzapfel, ein gu^et datz dem Wasen in dem Schoewrnpache, ein gu^et datz Ulreichen an Peters lehen und ein gu^et datz Lewblein in dem Rorbache. Auch haben wir verchoufft allen unsern tail den wir gehabt haben an der vogtay der hernach geschriben gu^eter der wir und unser vetter Hanns der Hoewsler von Purchstal mit einander vogt sein, von erst der gu^eter die zu der egenanten chappellen geho^erent, daz ist ein gu^et gelegen in der Ochu^ett do der Eysaler auf gesezzen ist und dient jerleich ein vogthuen; ein gu^et datz dem Streber von Pu^ehel dient jerleich ein vogthuen, ein gut datz Hadmarstorf dient ein vogthuen; ein hofstat datz Altenhofen dient ein vogthuen, Ulreich von Pu^ehel dient jerleich ein vogthuen von seinem gu^et, Haintzel an dem Jeuchartsperg dient jerleich zway vogthu^eenrr, ein gut haizzet das Su^endleins lehen und ein gut ze Petzleinstorf daz der Gleizz hat, und allen unsern tail den wier gehabt haben an der vogtay der gu^eter die geho^erent zu der pharr ze Purchstal, das ist ein gut an der O^ed da der Vo^esel auf sitzt, und ein hofstat gelegen bei Plankchenstain do Chu^enrat der Schuester auf sitzt, und ein gut gelegen an dem Putersperg, der Enser ab der O^ed dient von seinem gu^et jerleich zway vogthuenrr; und allen unsern tail den wir gehabt haben an der vogtay der gu^eter die du geho^erent zu dem grozzen jartag, das ist ein gu^et gelegen in dem Ofenpache do Weikchart der Du^err auf gesezzen ist, und ein lehen gelegen doselbens in dem Ofenpache, und ein gut gelegen ze Mawtterhoeim bey der Persnykch; und allen unsern tail der vogtay der gu^eter die nicht zu dem jartag geho^erent, daz ist ein hofstat gelegen ze Petzleinstorf und ein mu^el gelegen auf der Erlaf do der Groesel auf gesezzen ist, und ein mu^el gehaizzen die O^edmu^el und ein lehen gelegen in dem Weinperg ist gehaizzen des Sneyderlehen, und ein gut auf der Widem do die Unentinn auf sitzet, und ein hofstat datz Seling die von der Schu^etzinne hercho^emen ist, und ein hofstat datz Soesen die von dem Stroewhel hercho^emen ist. Allen unsern tail den wir gehabt haben an der egenanten vestt ze Purchstal und an dem markcht doselbens und alle die gu^eter die vor an dem brief benant und verschriben sint und alles das das zu demselben unserm tail und zu den vorgeschriben gu^etern allen geho^eret, es sey chirichlehen vogtay mu^el behawsts gu^et zehent u^eberlent wayd wismad paw in urbar ze holtz ze velde und ze dorffe, es sey gestifft oder ungestifft versu^echt oder unversu^echt aigen und lehen wie so das genant ist oder wo das gelegen ist, haben wier von ehafter not von der geltschuld wegen so vorberu^ert ist, recht und redleich verchoufft und geben mit allen den nu^etzen ern und rechten, als wier daz aigen in aigens gewer und das lehen in lehens gewer herpracht haben und als es mit alter hercho^emen ist, alles inbeslozzen und nichts ausgenomen an alaine ein haws gelegen in dem markcht ze Purkchstal welhes ich egenanter Jo^erig der Hoewsler nym, und auch unser manschaft die haben wier noch nicht verchowfft und haben die behalten in dem rechten alz hernach an dem brief geschriben stet und nichts anders, umb drewtzehenhundert phunt und umb sibentzig phunt wienner phenning der wier gantz und gar verrichtet und gewert sein, dem erbern herren hern Hainraichen von Waltse zu den zeiten houptman ob der Ens und allen seinen erben und gaben fu^erbas ledichleich und vreileich ze haben ze besitzen ze nyezzen und ze nu^etzen und allen iern frumen damit ze schaffen, verchouffen versetzen und geben wem si wellen und alles daz damit ze tun und ze wanndlen, daz in allerpestt fuegt oder wolgevellet an allen chrieg und irrsal mit solher beschaidenhait, daz ich egenanter Jo^erig der Hoewsler ein haws gelegen in dem markcht ze Purkchstal welhes ich nym, innehaben sol in nutz und in gewer zu meinen lebtagen unverchumert als leibgedings recht ist; und wenne ich denne abge mit dem tod, so sol dasselb haws den vorgenanten hern Hainreichen von Waltse und sein erben und gaben ledichleich angevallen an alle irrung. Denne umb unser manschaft haben wir demselben hern Hainreichen von Waltse und seinen erben versprochen und verhaizzen und verhaizzen ouch in mit dem brief mit unsern trewn an alles geverd also, wenne daz ist das wier derselben manschafft an werden wellen in welher weise daz ist, daz wier si denne anpieten sullen und in ouch die fu^er all ander lewt geben sullen, ob daz ist daz si di von uns chouffen und uns die nach dem lanndes recht gelten wellent. Wer aber daz si dieselben manschafft nicht chowffen und also nicht gelten wolten, so mu^egen wier denne dieselben manschaft geben wem wier wellen und mu^egen si uns daran nicht geirren. Und sein ouch wier obgenanten ich Jo^erig der Hoewsler und ich Marichart der Hoewsler sein sun und alle unser erben unverschaidenleich alles unsers tails den wier gehabt haben an der egenanten vestt ze Purchstal und an dem markcht doselbens und aller der gu^eter die vor an dem brief verschriben sint und alles des daz zu demselben tail und zu den vorgenanten gu^etern allen geho^ert als vorbenant und begriffen ist, ausgenomen eins hauses und der manschafft in dem rechten so vorbeschaiden ist, des egenanten hern Hainreichs von Waltse und aller seiner erben und gaben recht gewern und scherm fu^er alle ansprach, des aigens als aigens recht ist des lehens als lehens recht ist und des lanndes recht ze O^esterreich. Wer aber daz in an den vorgenanten stukchen und gu^etern icht abgieng mit recht oder daz in icht chriegs oder ansprach daran auferstuend, von wem daz wer mit recht, waz si dez schaden nement daz sullen wir in alles ausrichten und widerchern an allen iern schaden und sullen ouch si das haben auf uns unverschaidenleich und auf allem unserm gu^et das wir haben in dem lannde ze O^esterreich oder wo wier es haben und noch fu^erbas gewinnen, wie das genant oder wo das gelegen ist wier sein lebentig oder tod. Und das der chouff fu^erbas also stet und unczebrochen beleib, daru^eber so geben wier obgenanten ich Jo^erig der Hoewsler und ich Marichart sein sun fu^er uns und fu^er alle unser erben dem offtgenanten hern Hainreichen von Waltse und allen seinen erben und gaben den brief zu einem warn urkund und zu einer ewigen vestnung der sache versigelten mit unsern angehangen insigilen und mit unsers vettern insigil hern Marichart des Hoewsler von Soeserndorf und mit unsers swagers insigil hern Albers von Streitwesen, der sein insigil fu^er sein hausvrown vrown Katrein mein obgenanten Jo^erigen des Hoewsler swester zu einer gezeugnu^ezze an den brief gehangen hat; und vergich ouch ich dieselb vrow Katrey under demselben meins wierts insigil daz der chouf umb die vorgenanten gu^eter mit meinem gu^etleichen willen geschehen ist, und verpind ouch mich under des egenanten meins wierts insigil, daz ich und mein erben alles das stet haben sullen und wellen das vor an dem brief geschriben stet und daz nindert widerreden noch widersprechen wellen in dhainen wegen, und mit mein obgenanten Maricharts o^ehemen insigiln hern Wolfgangs von Winden und Ru^egers von Starichenberch des eltern die der sache gezeugen sint mit iern angehangen insigilen. Der brief ist geben ze Wienne nach Christes gepu^erde drewtzehenhundert jare darnach in dem fu^emf und sibentzgistem jare an dem achten tag nach dem heiligen prehem tag.

Source Fulltext: OÖUB 8 (Wien 1883), S. 734ff., Nr. 719