Wir Albrecht von gotes gnaden, Herczog ze Österreich, ze Steyr, ze Kernden vnd ze Krain, Graf ze Tyrol etc. Embieten vnserm getrewn lieben Ru^odolfen von Walsse, oder wer an seiner stat, Phleger ist, ze Steyr, vnser gnad, vnd alles gu^ot. Alz wir dir vormalz an vnserm brief empholhen, vnd gebotten haben, Also, emphelhen wir dir aber, vnd wellen gar ernstlich, Daz du schaffest mit allen den, der E^akcher stözzent, an die weg, die gen Steyr geent, daz si dieselben wege pezzern, vnd machen, wa si des notdürftig sein, vnd des mit nichte lazzen, Wolten aber si des widersein, daz du si dann von vnsern wegen darczu^o nöttest. Geben ze Wienn, an Samcztag vor dem Svnntag. Misericordia dominj Anno etc. LXXVIJ0. dominus dux per se ipsum et per jo . de T(yerna).

Source Fulltext: OÖUB 9 (Wien 1906), S. 229