Ich Elspet von Chünring, Hern Eberhartz Wittib von Walsse selig ab der Steyermarch, vnd ich Haidenreich von Meissöw obrister Schenkch in Österreich, vnd vnser Erben vergehen — vmb die zwen Weingaerten, genant dt Holnstainerinn/e, pey ainander gelegen, niderthalb Ti^ernstain, ze nachst ob dem Holnstain, vnd der erbern Chloster vra^ewn Weingarten von Ti^ernstain, di wir —, chauft haben von Hertneyden dem Chramer pu^orger ze Wels vnd seinen erben —, Daz wir diselben obgeannten zwen Weingaerten —, mit des Perch Herren Hant vnd willen, durch vnser vnd vnserr vordern vnd Nachomen Sel, Hail willen geben haben vnd geben auch mit dem brief zu^e vnserr Chajpellen dacz Tirnstain, di^e wir Got ze Lob, in den ern vnserr vraw^en sand Mareyn, von newen dingen der pawt haben, Hern Hansen vnserm Chappelan daselbs, vnd allen seinen nachomen, —, Wir sein auch der obgenanten Weingerten vnd des zehends darauf, ir recht gewer vnd scherm/e für alle ansprach. alz Landes recht ist in Österreich. Jn allen den pünden vnd artikeln alz vnser schermbrief dar über sagt. den wir in auch geben, vnd in geantwurt haben, Vnd des ze ürchund vnd ewiger gedehtnu^ozz, geben wir obgenant. Elspet von Chünring, vnd Haidenreich von Meissöw, dem obgenanten Hern Hansen, seinen nachomen. vnd vnserr egenanten Chajpellen den brief versigilten mit vnsern anhangunden Jnsigeln, für vns, für vnser erben vnd nachomen, vnd auch mit des Perchherren Jnsigel. Hern Hermans, di zeit Chajpellan sand Johans Chajpellen auf der vest ze Tirnstain, der man von den obgenanten Weingärten di^enet ze purchrecht vi^er phenning an sand Michels tag. all Jar. vnd nicht mer. vnd der sach ist geczewg Leutold der Wolfenreuter di zeit pürgraf ze Tirnstain vnd richter in der Wochaw^e mit seim Jnsigel. Der brief ist geben an sand Philijps vnd sand Jacobs tag der Hailigen zwelif poten Nach Christi gepürd Drewczehen Hundert iar darnach in dem Siben vnd Sibenczkistem Jare.

Source Fulltext: OÖUB 9 (Wien 1906), S. 250-251