Jch Friedel der palczacher mein wirtin vnd vnser erben veriehen —, Das wir vnsern weingart — verchaufft haben der gelegen ist in dobronotosdorf der vormals des Nejpler gewesen ist dem erbern mann philippen dem Lodrer seiner wirtin vnd iren erben vmb an vierczich phenning Sechs march phenning, der wir gancz vnd gar gewert sein. wir haben in auch den obgenanten Weingarten aufgeben mit des erbern Herrn hant Hern Chunrat von Apfolter Perchmaister die zeit. Wir loben in auch den obgenanten weingarten zu scherm Jar vnd tag vor aller ansprach als recht ist — versigelt mit des obgenanten erbern Herren des perchmaister anhangvnden Jnsigel —. Geben nach Christs geburd drorczehen (!) Hundert Jar darnach in dem siben vnd Sibenczigisten Jar an sand Elspoten (!) tag.

Source Fulltext: OÖUB 9 (Wien 1906), S. 354-355