Ich Hainrich der Werfer vnd ich Anna sein Hausfraw vnd all vnser Erben, wi^er veriechen —, daz wi^er geben haben vnserm sun Thaman vnser Haus daz da ist gelegen ze sand Li^enhart in dem Pu^erchfried vnd vnder dem scherm dez erbern Herr Herr Ru^odolfs van Walsse da man im ierleich van dient zwelf phenning ze rechtem pu^erchrecht —, daz er dorauf geweicht schol werden, Vnd fu^erbaz do mit mag geschaffen allen sein fru^em vnd sein nucz — vnd darum geben wir im den offen prieff versigelt mit dez erbern peschaiden man Hansen des Hager die zeit pu^ergraff ze peilstain Jnsigel, wen wi^er in darum fleizzig gepeten haben durich der Herschaft willen vnd durich der manschaft willen die er die zeit in gehabt hat, Vnd vnder dez erbern vesten Ritter Herrn Athachers des Wolfstain Jnsigel, wen wir sew paid sand darum fleizzig peten haben, daz sew iren paidew Jnsigel an den prieff gehangen habent, Jn vnd der grafschaft an schaden vnd verpinten vns mit vnsern trewn vnder irew Jnsigel an aiczstat alstas (!) stet ze haben daz an dem prieff ge schriben stet, wen wir selber aygen Jnsigel nicht en haben. Der prief ist geben nach christi gepürd dreu- czehn Hundert jar vnd dar nach in dem neun vnd sibenczkisten iar dez suntags ze mitter vasten wen man singt Letare hlm.

Source Fulltext: OÖUB 9 (Wien 1906), S. 596-597