Ich Eberhart der Chuchler von dem Abtse vergich — daz mich der Erwirdig fürst, Her Pilgreim, Erczbischof ze Salzburg, Legat des Stüls ze Rom, meiner purchüt der er mir von seiner pfleg wegen ze Halbenberg schuldig gewesen ist, die weil ich die inne gehabet han, fürderlich ausgericht vnd gaentzlich bezalet hat, — Also, daz ich mein Erben, noch an der yemant von vnsern wegen, von derselben pfleg vnd purchut wegen, hincz vnserm obgenanten Herren von Salzburg seinen Gotzhaus vnd allen seinen NachChomen, noch hincz allen den iren, nichts mer ze vordern noch ze sprechen haben süllen, — Vnd dar vber ze vrchund gib ich den offenn brief versigelten mit meinem aufgetrukchten Jnsigel, der geben ist, an sand philijps vnd sand Jacobs tag, Nach Christi gepurd Dreuczehen Hundert Jar darnach in (dem) Achczigistem Jare.

Source Fulltext: OÖUB 9 (Wien 1906), S. 844