Wir Albrecht von Gottes gnaden herczog ze Osterreich ze Steyr ze Kerndten vnnd ze Krain graf ze Tyroll etc. embietten vnnsern getreuen dem richter dem ratt vnnd den burgern gemainnlich ze der Freynstatt vnnser gnad vnnd alles gut. Wir emphelchen auch vnnd wollen gar ernstlich, das ier vestiklich wertt vnnd vnnderstet, das das weit saltz von der Freynstatt weder durch vnnser stett merkt noch dorffer gee noch anderstwo in vnnserm lannde ze Österreich verkaufft werde vnnd das es die rechte lantstrasse gen Pehem gee, wo ier aber anders darauf kernet, das ir es denn vnnverczogenlich nider leget vnnd verhaltet zu vnnsern hannden. Daran tut ier gentzlich vnnsern willen. Geben ze Wienn am Samtztag in der Phingswochen anno LXXXV.||
Dominus dux per Johannem de Tyrna.

Source Fulltext: OÖUB 10 (Wien 1933), S. 119-120