useridguestuseridguestuseridguestERRORuseridguestuseridguestuseridguestuseridguestuseridguest
Charter: Oberösterreichisches Urkundenbuch, weltlicher Teil (540-1399) 1382 XI 27
Signature: 1382 XI 27
no graphic available
Zoom image:
Add bookmark
Edit charter (old editor)
27. November 1382, Reichenhall
Herzog Friedrich von Bayern verpflichtet sich in dem Streit mit Herzog Albrecht von Österreich wegen des Grafen Heinrich von Schaunberg hinter die Herzoge Leopold von Österreich und Stephan von Bayern zu gehen, die einen Tag zu Passau am Sonntag nach dem Prechentag zu halten haben, und deren Entscheidung oder darüber die des Burggrafen Friedrich von Nürnberg und Landgraf Johann von Leuttemberg oder schließlich des Königs Wenzel und des Burggrafen Friedrich anzunehmen.
Source Regest: 
OÖUB 10 (Wien 1933), S. 136, Nr. 185
 

orig.
Current repository
HHStA Wien (www.oesta.gv.at)

Siegel
Material: Pergament
    x
    Wir Fridrich von Gotes genaden pfallenczgrafe bey Rein vnd herczog in Bayern etc. bechennen offenlich mit dem brief, vmb alle die stözz vnd missehelung, die da sind zwischen dem hochgeborn fürsten vnserm lieben oheim herczog Albrechten herczogen ze Osterich etc. an einem tail vnd vns an dem andern tail von graf Hainreichs wegen von Schawnberg, ez sey mit briefen oder sust, darnach vmb alle die stözz vnd misschelung väll oder ander vorderung, die da sind zwischen dem egenanten von Osterich vnd der seinen||
    vnd auch den die wir vormalz in vnsern frid genomen haben an ainem tail vnd dem egenanten graf Hainreich von Schawnberg vnd seinen helffärn an dem andern tail, daz wir vber die vordern taiding, die der hochgeborn vnser lieber swager purgraf Fridrich von Nurenberg vnd der wolgeborn vnser lieber getrewer lantgraf Johanns vom Lewtenberg vnd graf zu Hals nu zunachst darumb zwischen vns getan habend nach lawt der brief, die darüber gegeben sind, solicher newn taiding vnd richtung vberain chomen sein, als hie nach geschriben stet, also daz wir für vns vnd alle vnser mittail vnd helffär, die wir vormals in vnser richtung genomen haben, nach der brief lawt, die der vorgenant vnser swager der purgraf von Nurnberg vnd auch der vorgenant lantgraf vom Lewtenberg getaidingt habend, aller derselben stözz vnd misshelung gegangen sein hinder die hochgeborn fürsten herczog Leupolden, herczogen zu Osterreich etc., vnsern lieben swager, vnd herczog Stephann pfallenczgrafen bei Rein vnd herczogen in Bairen etc, vnsern lieben bruder, also daz der ietweder ainen zu ym nemen sol vnd die vier sullend versuchen, ob si vns vmb die vorgeschriben stözz miteinander frewntlich vnd mit der minne berichten mügen. Möcht dez nicht beschehen, so sullen aber dieselben vier daz recht darumb zwischen vns auf ier ayd sprechen vnd dabei sullen wir beleiben. Auch sol dise frewntlich verichtung oder aber der spruch zu dem rechten beschehen vnuerczogenlich, ee dann die egenanten vnser swager vnd vnser bruder ieczund von Salczburg vnd von Reichenhall chomen vngeuärlich. Wäre aber, daz dieselben vier in dem spruch gesticzzen, vmb welich stuck si dann mizzhellig würden, darüber sullend der egenant vnser swager purgraf Fridrich von Nürenberg vnd der vorgenant lantgraf Johanns vom Leutenberg ain obman sein also waz die baid darumb sprechend zu dem rechten auf ir ayde, da sullen wir obgenant tail bej beleiben. Auch sullen dieselben obman chomen gein Pazzaw in die stat auf den nächsten Sunntag nach dem Prehentag schierst chünftig vnd als lang daselbst sein vngeuärlich, vncz daz si iren spruch auz gesprechend. Geschäch aber, daz dieselben zwen sich darumb mit dem rechten nicht verainen möchten, vmb waz stuck si dann mizzhellig wurden, daruber sol dann der durchlawchtig furst vnser lieber herr her Wenczla Romischer künig vnd auch mitsampt jm der egenant vnser swager burgraf Fridrich von Nurenberg ain obman sein vnd waz die dann darumb zwischen vns erchennent zu dem rechten, dabey sullen wir beleiben an alle geding vnd wider rede vnd sullen auch dieselb obman den spruch dann tun zwischen hinn vnd dem Sunntag Jnvocauit schierst chunftig. Welcher tail auch vnder vns wir oder vnser egenanter öheim herczog Albrecht oder der von Schawnberg in den obgenanten sprüchen geuärlich säumig wär oder aber hienach dawider täte, der sol gegen dem andern alle seine recht in den sachen verlorn haben. Vnd auf dis gegenwurtig taiding haben wir den tag, der auf den nächsten sand Lucein tag solt gewesen sein, gelengert hincz auf den egenanten Sunntag Invocavit vnd ist geredt, daz der brief vmb die vordern taiding sol in allen andern stucken, die in disem gegenwürtigen brief nicht auzgeczogen noch verendert sind, bey seinen chreften beleiben diselben zeit an allz geuärde. Auch versprechen wir für den hochgeborn fürsten vnsern lieben bruder herczog Johannsen vnd für den egenanten graf Hainrichen von Schawnberg, daz si genczlich dabei beleiben, waz in den egenanten sachen auzgesprochen wirdt, trewlich vnd an allz geuärde. Vnd daruber zu vrchunde vnd sicherhait geben wir disen brif versigelten mit vnserm anhangendem insigel, der geben ist zu Reichenhalle an dem Pfincztag nach sand Katreintag nach Cristi gepurde drewczehenhundert iar darnach in dem zway vnd achczigisten jar.
    Source Fulltext: OÖUB 10 (Wien 1933), S. 137-139

    Original dating clausean dem Pfincztag nach sand Katreintag

    Editions
    • Stülz, Schaunberger 662, 663

    Comment

    Vgl, Nr. 186


    LanguageDeutsch
    Places
    • Reichenhall
       
      x
      There are no annotations available for this image!
      The annotation you selected is not linked to a markup element!
      Related to:
      Content:
      Additional Description:
      A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.