Wir Albrecht von Gots gnaden herzog ze Österreich ze Steyr ze Kernden vnd ze Krain graf ze Tyrol etc. thun chunt, daz wir dem edlen vnsern sunder lieben graf Hainrich von Schauenberch gegunet vnd erlaubet haben, gunen vnd erlauben im auch wizzentlich, daz er sein maut ze Aschach von den ersten chunfftigen sand Merteinstag über ain jare vnder dem Neunhauß nemen mag, alß sein vordem die zu Aschach genomen habend vnd von alter herchomen ist. Vnd swen sich aber die zeit verlauffet, so soll er vnd sein erben danne dieselbe mautt wider nemen zu Aschach vnd nyndert anderßwo, alß von alter herkhomen ist vnd sein vodern genomen habend. Mit vrchundt diz briefs geben ze Linz an sanct Kolmanstag nach Christi geburd dreyzehenhundert jar darnach in dem drey vnd achzigisten jar.

Source Fulltext: OÖUB 10 (Wien 1933), S. 214