Wir Albrecht von Gots genaden herczog ze Österreich ze Steyr ze Kernden vnd ze Krain graff ze Tyrol zc. bekennen vnd tun kund offentlich mit dem brief, als yetz der edel vnser lieber oheim graff Heinrich von Schawnberg die vessten vnd geslos Schawnberg Stauff das Neuhaus vnd Euerding, die von dem erwirdigen vnserm lieben frewnde hern Johannsen bischof f ze Passau vnd demselben seinem goczhaus ze Passau ze lehen sind, demselben von Passau aufgegeben vnd in gebeten hat, daz er vns die verleihen geruchte, also hat vns vnsern erben vnd nachkomen derselb von Passau die egenanten geslos vnd vesste mit jr zugehörung verliehen nach lautt der lehenbrief, die er vns darüber hat gegeben, vnd da uon so sullen vnd wellen wir selber vnser erben^a) vnd nachkomen fürbass von dem selben von Passau seinen nachkomen vnd seinem goczhaus daselbs die vorgenanten vesst vnd geslos zu rechtem lehen erkennen vnd die von jn nemen vnd emphahen, wenne es zu schullden kumpt vngeuerlich. Mit vrkund dicz briefs geben ze Lincz an Sambcztag nach sand Gallen tag nach Christi geburde drewczehen hunndert jar vnd in dem drew vnd achczigisten jare.

Source Fulltext: OÖUB 10 (Wien 1933), S. 221