Wir Albrecht, von Gots gnaden herczog cze Österreich ze Steyr ze Kernden vnd ze Krain graf ze Tyrol etc. tun chunt, daz vnser getrewr Hans von Volkesdorf die erbern Kathrein, Vlrichs selig von Meissow tochter, sein eliche housfrow mit vnserr hant gunst vnd vnserm guten willen für ir morgengab geweist hat auf den markt ze, Newnhofen, auf das gericht im purchfrid, auf die zehent vnd vischwaid daselbs, das alles von vns ze lehen ist, also, daz si vnd ir erben die vorgenant ir morgengab auf denselben gütern haben vnd niezzen sullen, als lehens morgengab vnd landes recht ist. Mit vrchund des briefs, geben ze Wienn an Eritag nach sand Jörgen tag nach Krists geburd dreuczehen hundert iar darnach in dem vier vnd achczigisten iare.||
Stephan de Zelking.

Source Fulltext: OÖUB 10 (Wien 1933), S. 251