Ich Ludweig der Czuphinger vergich fuer mich vnd all mein erben mit dem offen brieff allen den de in sehent oder horent lesen, daz ich meinen hoff ze Czuphing den obern in Taufchiricher pharr, der vnser rechcz inbercz Stephanysch aygen ist, den haben wir zu rechten lehen genumen von dem edlen hochgeporn fuersten vnd vnserm lieben gnädigen hern herczog Albrechten in Osterreich vnd von allen sein eriben vnd schullen wir in dar vmb trew vnd gewär sein alz ein lehen man seym hern seyn schol. Mit vrchunt dez briefs versigelt mit meinem anhangundem insigel^a), der geben ist nach Christi gepurd vber drewzehen hundert iar vnd dar nach in dem vier vnd achczkisten iar amb Samcztag nach sand Andres tag.

Source Fulltext: OÖUB 10 (Wien 1933), S. 289