Wir Albrecht etc. bekennen und tun kunt offenlich mit dem gegenwürtigen brief, daz wir vnsern getrewen den leuten gemainleich gegenwurtigen vnd kunftigen ze dem Frankenmarkt durch pezzerung vnd aufnehmen derselben vnd ander vnser getrewn vnd vndertanen in der gegend daselbs gegeben haben vnd geben auch von furstleicher macht wissentlich mit dem brief einen offenn freyen vnd gemainen wochenmarkt daselbs zem ||
Frankenmarkt fürbas ewichlich zu haben alle wochen auf den Montag mit allen den ||
rechten gnaden freyhaiten vnd guten gewonhaiten, alz auf andern wochenmerkten in vnserm ||
and ob der Ens sittleich vnd gewondleich ist. ||
Dauon geben wir allen vnsern vndertanen vnd getrewen gegenwärtigen vnd künftigen, daz si die egenanten vnser lewt zem Frankenmarkt bei demselben wochenmarkt freihaiten freyungen rechten vnd gnaden beleiben lassen vnd si dawider nicht besweren noch irren in dhain weis. Wan wer dawider tet, den wolten wir swerleich darumb pessern an leib vnd an gut. Vnd darüber zu ewigem vrkunt vnd sicherhait geben wir in den brief versigelten mit vnserm anhangundem insigl, geben ze Wien an Sampstag vor^b) sand Anthonien tag LXXXV.||
||
^a) jarmarkt daselbs zem Frankenmarkt fürbas ewichlich ze haben alle jar auf sand Kilianstag virczehen tag vor vnd virezehen tag hinnach vnd geben in auch darczu diesselb zeit freyung umb all erber sache vnd all andre recht freyhait gnad vnd gut gewonhait, alz auf andern offenn jarmerkten sittlich vnd gewonlich ist.

Source Fulltext: OÖUB 10 (Wien 1933), S. 298-299