Wir Albrecht von Gots gnaden hertzog ze Österreich bechennen ze Steyr ze Kernden und ze Krain grafe ze Tyrol etc. bechennen vnd tun chunt mit dem brief vmb das Purkstal gelegen gen dem Newen Haws vber, das vnser lieber ohem graf Hainreich von Schawnberch aufgeuangen hat, das wir darumb mit demselben von Schawnberg vber ainchomen sein, das wir noch vnser erben noch yemand von vnsern wegen das fürbaz nicht pauen noch auf-uahen sullen in dhein weis, das geloben, wir stet zu haben bey vnsern trewen trewlich an geuer. Mit vrkund ditz briefes versigelt mit vnserm anhangentem insigel vnd mit des erwirdigen vnsers lieben frewndes vnd kanczler hern Berchtolds bischof ze Freysingen anhangentem insigel, der geben ist ze Lincz am Eritag vor vnser Frawen tag als si geporn ward nach Crists gepurd drewczehenhundert jar darnach in dem sechsvndachczigistem jar.

Source Fulltext: OÖUB 10 (Wien 1933), S. 393-394