Wir graf Heinreich zu Schawnberch bechennen offenlich mit dem brief und tun chunt vmb das Purkstal gelegen gen dem Newnhaws vber, daz wir aufgeuangen heten, das wir darumb mit dem edeln hochgeborn fürsten herczog Albrechten zu Österreich etc. vnserm genadigen herren vber ainchomen sein, das wir noch vnser erben noch yemand von vnsern wegen das fürbaz nicht pauen noch aufuahen sullen in dhein weis, das geloben, wir stet zu haben bey vnsern trewen trewlich an geuer. Mit vrkund ditz briefes versigelt mit vnserm anhangentem insigel vnd mit vnsers lieben sweher her Johansen zu Abensperg ||
auch der Sache geczewg ist, der geben ist ze Schawnberch am Eritag vor vnser Frawen tag als si geporn ward nach Crists gepurd drewczehenhundert jar darnach in dem sechsvndachczigistem jar.

Source Fulltext: OÖUB 10 (Wien 1933), S. 393-394