Ich Chunrat der Jungwirt vnd ich Vlreich der Hosil wir vergehen mit dem prief vnd tun chund allen, den er fürchumpt, vmb das rechtt, daz her Hanns der Egenperger hincz vns gesucht wolt haben, daz frum erber lewt vnd vnser frewnt vns derpetten habent, daz er vns dezselben rechtens vber haben hat, hab wir im verhaizzen ich vorgenanter Chunrad Jungwirt vnd Vlreich Hosil vnd verhaizz wir allew dew mit sampt in, di an dem prief verschriben stänt, von erst ich Jans Parczer zu Plasaw, Chunrad Hosleins sun, Stephan Weyzz zu Haibang, Örttl Mayr im Tewphental, Jans Ruffer auf dem Perig, Symon von Stokchaim, Helmhart zu Physterhub, Stephan zu Gunderstorff, Chunrad zu Eberstal, Hainreich dacz dem Pyscholffen, Chunrad zu Chümelswankch, Peter von Heczleinsdorf, Jannsil zu Grutncheim, Tömel zu Pewnnt, Stephil dacz Zeydelhub, Ewerhart zu Huczenperg, Ott zu Peintal, Magensil zu Vogelhub, Ott Schartter, Jannsil Hager zu Parcz, Chunrad Aribaitter, Hainrich Winchler, Wernhart zu Gatern, Vlreich Mayer im Tewphental, sein sun Janns, Herman Mülner von Horichpach, Vll zu Vogelhutten, Alber Weyzz zu Winchel, Wernczil Smid von Albrechtzdorf, Wernhart Weyss von Albrechczdorf, Wernhard auf der Öd, Magensil zu Hordleitten, Magensil Velbermair, Alber Weyzz, Jäkil Weyzz, Hubmer von Horichpach, Hainrich zu Hysunsgsperg, Orttl vnd Tomel der Wolflin sün, Lewttel zu Dorff, Walchuen Parczer zu Puchel für Jansen den Jungwirt vnd für allew vnser chind helffer vnd dyener vnd erben, daz wir selb noch vnser helffer vnd nyemand von vnsern wegen hern Hannsen dem Egenperger vnd sein helffern vnd dyenner oder wer im zu dem rechten geholf fen wolt haben, oder wer an der vannchnuzz schuldig wer, do er vns dem vogt zu Wels geanttwurtt hat, dhainn veintschaft gegen tragen schullen vnd an recht wider sew nymermer tun schullen in dhain weyzz an geuär. Wer aber, daz ich vorgenanter Chunrad der Jungwirt vnd Vlreich Hosil oder vnser chinder oder frewnt oder helffer oder yemand von vnsern wegen gegen hern Hannsen dem Egenperger sein helf fern vnd dyenner von vnsern wegen daz vberfüren, daz man wissentleich vberfür, daz wir vnser einer oder möniger an recht dem Egenperger icht tet oder dra, derselbig der daz tät oder meniger, di schullen mit süben||
vbersayt sein vnd allz recht hincz in gesucht sein, damit si dez halls verfallen sind, in waz gericht mann sew anchumpt, vnd schullen wir all noch nymand von vnsern wegen da wider reden noch tun vnd ist daz allz vnser gutter will vnd sey wir all diu, di an dem prief verschriben stänt, dem edeln hochgeporen fursten dem herczogen zu Österreich verfallen fumfczik phunt wyenner phenning vnd dem hauptman ob der Enns, wer hauptman ist, auch fumfczik phunt phenning vnd dem vogt zu Wels an meins herren hern Jorigen von Waltse stat auch fumfczik phunt phenning vnd dem richter auf dem Moss auch fumfczik||
phunt phenning. Daz daz allz also stät vnd vnuerchert beleib, dez hab wir all starch ayd gesworen zu Chirichdorf in ophfner schrann, allz daz stät zu haben, daz oben an dem prieff||
verschriben stät. Vnd dez zu ainem vrchund geben wir in den offen prief versigelt mit dez erbern mans insigel Lewtoltz dem Aspen purgraf f zu Ortt vnd Tomans dez Haydin purgraf f||
zu Schernstain vnd Fridreichs des Pudminger purgraff zu Pernstain vnd Ludweigs von Hvnnbrechczried purgraff zu Chlawss vnd Ewerhartz dez Viekken di czeit schaffer zu Pernstain vnd Petreins dez richter zu Chirichdorf, daz si der sach all zeug sind mit iren sechs anhangunden insigeln durich vnser fleizzigen pet willen in vnd iren erben an schaden, dar vnder wir vns all obgenant verpinden vnder di insigel, allz daz stät zu haben, daz oben verschriben stät, wann wir selb aygens insigel nicht enhaben. Der prief ist geben nach Christi gepurd drewczehen hundert iar darnach in dem sieben vnd achczgisten iar an sand Nyclastag.

Source Fulltext: OÖUB 10 (Wien 1933), S. 466-467