Wir Albrecht van Gots gnaden herczog ze Österreich ze Steyr ze Kernden vnd ze Krain graue ze Tyrol bekennen, daz wir beweist sein, von vnsern burgern ob der Enns, daz vnser burger ze Enns an der mautt ze Ibs von einem ieglichen podem, welherlay si fürent, nicht mer sullent geben, denn vierczehen wienner phenning, vnd das sey von alter also herkomen. Dauon emphelhen wir vnserm getrewn vnserm mautter ze Ibs, vnd wer ye kümftiklich vnser mautter da wirdet, vnd wellen, daz er die egenanten vnser burger von Enns dabey lazz beleiben, als von alter ist herkomen vnd si darüber nicht beswere, wann wir das ernstlich mainen. Mit vrkund dicz briefs geben ze Wienn an Mitichen vor sand Symons vnd Judastag der heiligen zwelfboten nach Kristes gepurd drewczehenhundert iar, darnach in dem ainen vnd neunczigisten jare.||
Dominus dux per dominum cancellarium episcopum Frisingensem.

Source Fulltext: OÖUB 11 (Wien 1983), S. 52