Wir Wilhalm von Gotes gnaden herczog ze Österreich ze Steyr ze Kernden vnd ze Krain graf ze Tyrol etc. embieten vnsern getrewn lieben dem richter dem rat vnd den burgern zu der Freynstat vnser gnad vnd alles gut. Wir emphelhen ew vnd wellen auch ernstleich bey vnsern hulden, daz jr vns mit vnserm vnd vnsrer brüder tail vnsers vngelts daselbs vnd allem dem gelt, so seindher ewrs bestandes dauon ist geuallen oder noch furbazzer dauon geuellt, gewertig vnd gehorsam seit vnd den zu vnsern handen inantwurtet vnserm amtpmann Niclasen dem Weispacher vnd tut nicht anders durch yemands gescheffts willen oder jr tett swerleich wider vns vnd wolten das dacz ew haben. Geben ze Wienn an Suntag vor sand Marteinstag anno etc. nonagesimo quinto.||
Dominus dux in consilio audivit.

Source Fulltext: OÖUB 11 (Wien 1983), S. 442