Wilhalm vnd Albrecht vettern von Gots gnaden herczoge ze Österreich etc. Lieben getrewn. Von der großen merkleichen handlung wegen, die sich yeczunt ze Vngern wider die Kristenhaitt laider habent vergangen vnd die sich noch tegleich von den Türken da verlawffent vnd die auch mitsampt der heiligen Kristenhaitt vns all vnser land vnd lewt merkleich antreffent, haben wir all vnser prelaten herren ritter vnd knecht vnd auch stett in allen vnsern landen her zu vns ||
||
besandt auf der heiligen Dreyer Kunigtag nach Weichnechten schierest künfftig. Empfelhen wir ew vnd begern auch ernstleich, daz ir zwen auss ewerm rat auf den egenanten tag auch dann her zu vns schiket vnd ew des nicht sawmen lasset. So wellen wir dann mit denselben vnd ew ze rat werden, als wol notturfft ist, wie wir vns vnsern landen vnd lewtten ze schirme in den sachen halten sullen. Geben ze Wienn an sant Niklastag anno domini etc. nonagesimo sexto. Dominus dux in consilio.

Source Fulltext: OÖUB 11 (Wien 1983), S. 565-566