Vnserm sunder getrewn Conraten dem Bestel burger zder Freinstat. Beatrix von Gots gnaden herczogin ze Österreich etc. vnser gnad vnd alles gut beuor. Sunder getrewer Bestel, wier lazzen dich wissen von des guts vnd auch habe wegen, die wier dacz dir nidergelegt geschafft haben, die gebesen ist Hannsen des richter ze Lewppolczslag, emphelhen wir dier vnd wellen ernstlich, daz du demselben vnserm richter das gut vnd auch habe, die wier dacz dier niedergelegt geschafft haben, wider gebest vnd auch von vnsern wegen wideruarn lasset. Swenn du das getan hast, so sagen wir dich des obgenanten bots vnd gelts ledig vnd los. Geben ze Berichdolczdorf am nechsten Pfincztag nach Gregorii anno etc. LXXXXVIII.