Wir Albrecht von Gotes gnaden hertzog ze Österreich ze Steyr ze Kernten vnd ze Krain graue ze Tirol etc. embieten vnserm getreun Fridrichen dem Kraften ambtman ze Gmunden vnser gnad vnd alles gut. Vns ist fürbracht, wie das dw dem erwirdigen vnserm besunder lieben freund hern Gregorien erczbischofen ze Salczburg newung machest an seinem salcz wider solh brief, die dir der hochgeborn fürst vnser lieber vetter herczog Wilhalm vnd wir vormalen darob gesant haben, des vns nicht billich dünket. Empfelhen wir dir vnd wellen gar ernstlich, das du demselben von Salczburg an seim salcz hinfür kain newung nicht machest noch tust in kain weyse, sunder es dabey lassest beleiben, als dir der obenanntt vnser vetter vnd wir vormals dorumb haben geschriben. Daran tustu genczlich vnser meynunge. Geben ze Friesach an Montag nach vnser Frauntag assumpcionis anno Domini etc. nonagesimo octauo.||
Dominus dux per se.

Source Fulltext: OÖUB 11 (Wien 1983), S. 729-730