Notum sit omnibus presentibus et futuris, quod ego Henricus Trecensis comes palatinus assensu et voluntate domine Ysabellis uxoris mee, illustris quondam regis Amalrici filie, dono et in liberam et perpetuam elemosinam concedo infirmis hospitalis Alamannorum, quod est in Accon, et universis eius- dem fratribus hospitalis domum unam in Tyro, que fuit Theodori de Sarepta, cum iardino et universis ad eandem domum pertinentibus. Dono quoque eis- dem duas carrucatas terre apud Sedinum francesias libere in perpetuum sibi possidendas. Ut autem hec mea donatio eisdem in helemosinam concessa rata et stabilis permaneat, presentem cartam sigillo meo et testibus subscriptis pre- cepi communiri. Huius rei testes sunt Hugo Tyberiadis; Reinaldus Sydonis; Radulfus Tyberiadis, regni senescalcus; Terricus de Tenero monte; Terricus de Orca; Galterius de Bethan; Amalricus de Bethan; Girardus de Franlo; Ra- dulfus de Balesme. Factum est hoc anno dominice incarnationis m° c° xc° v*

mense aprili. Datum Acchon per manum domini Ioscii Tyrensis archiepiscopi regnique cancellarii.

I, 25 n. 48. Ad vocem lemmatis 7carucatis terre" rubricator in margine inferiori annotat: „Chascun charue dot havoir xxiiii corde8 du longe et xvi du large; et la corde dot havoir xviii toise du home mczaine, et insi le t°ut (?) en la secrete du reame de Ierusalem par l'asise du reame duvant dit. — Quelibet carrucata habebit xxiiii funes in longitudine ot xvi in latitudine. Jtem funis habebit xviii passus quantum potcst mcdiocris homo capere expansis brachiis; et sic habet consuetudo regni Ierosolimitani*.