Sacrosancta et generalis synodus Constautiensis dilectis ecclesie filiis magistro et fratribus hospitalis beate Marie Theotonicorum Ierosolimitani sa- lutem et dei omnipotentis benedictionem. Meruit vestre devocionis since- ritas, quam ad nos et universalem, quam in spiritu sancto legitime congregati representamus, geritis ecclesiam, ut vos, qui pro eiusdem ecclesie ac fidei or- thodoxe defensione contra diversarum sectarum eas oppugnantes infideles athletas et pugiles vos exhibetis indefessos, vestrumque hospitale in hiis presertim, que vobis apostolicorum concessorum privilegiorum conservationem respiciunt, fa- voribus prosequamur oportunis. Sane pro parte vestra nobis nuper fuit hu- militer supplicatum, ut litteras felicis recordacionis Honorii pape tercii vobis concessas, cum incipiant nimia vetustate consumi, innovare dignaremur. Qua- rum tenor sequitur in hec verba:

„Honorius cet. Etsi neque cet. (cf. n. 306). Datum Laterani per manum AVilhelmi sancte Romane ecclesie vicecaucellarii, xviii kalendas ianuarii indictione viiii, incarnacionis dominice anni m. cc. xx pontificatus domini Honorii pape tercii anno quinto".

Nos igitur huiusmodi supplicationibus inclinati litteras ipsas, quas in cancellaria apostolica diligenter inspici fecimus, tenore presencium innovamus et presentis scripti patrocinio communimus. Per hoc tamen constitucioni pie memorie Clementis pape quinti in concilio Viennensi super hoc edite, qua fratres milicie Templi Ierosolimitani supradictos eorumque statum habitum atque nomen substulit illosque et dictam miliciam perpetua prohibicione sup- posuit, nolumus in aliquo derogare; neque ullum ius de novo vobis vel aliis acquiri volumus, sed quod antiquum, si quod habetis, tantummodo conservari. Nulli ergo omnino hominum liceat hanc paginam nostre innovacionis com

municionis et voluntatis infringere vel ei ausu temerario contraire. Si quis autem hoc attemptare presumpserit, indignacionem omnipotentis dei et beato- rum Petri et Pauli apostolorum eius se noverit incursurum. Datum Constancie ii idus augusti anno a nativitate domini millesimo quadringentesimo decimo septimo, apostolica sede vacante.

IV, 231 v. De transsumtis huius confirmationis vide supra sub n. 306 p. 279. Ioh. 44. Edd. Caorsinus C. 7v. Seuner F. 3. 1220. Entdeckter Ungrund ex or. C. 3, ubi etiam effigies bullae appendentis o) S. PA. S. PE. 6) S. SACRE . SIXODI . CONSTANCIKN.