Martinus episcopus servus servorum dei dilectis filiis magistro generali, commendatoribus et fratribus hospitalis beate Marie Theotonicorum Ierosoli- mitani ubilibet constitutis presentibus et futuris salutem et apostolicam bene- dictionem. Religionis zelus et vestre devocionis sinceritas promerentur, ut votis vestris in hiis presertim que animarum vestrarum salutem respiciunt quantum cum deo possumus favorabiliter annuamus. Vestris itaque supplica- cionibus inclinati, vobis et vestrum cuilibet, ut in ecclesiis, domibus et capellis, quas habetis in terris Grecorum et scismaticorum aberrancium a catholica ecclesia et veritate, quociens ad illa loca vos declinare vel in eisdem conti- gerit commorari, liceat vobis in illis missas et alia divina officia alta voce publice apertis ianuis eciam in presencia familiarium vestrorum Grecorum et aliorum habitatorum illarum parcium celebrare aut per vestros sacerdotes ydo- neos facere celebrari auctoritate presentium indulgemus, constitucionibus apo- stolicis et aliis in contrarium facientibus non obstantibus quibuscumque. Nulli ergo omnino hominum liceat hanc paginam nostre concessionis infringere vel ei ausu temerario contraire. Si quis autem hoc attemptare presumpserit, in- dignationem omnipotentis dei et beatorum Petri et Pauli apostolorum eius se noverit incursurum. Datum Rome apud sanctum Petrum iii idus februarii pon- tificatus nostri anno sexto.

IV, 249.