In nomine sancte et individue trinitatis, patris et filii et spiritus sancti. Amen. Ut rerum gestarum memoria vigeat, solent scripture testimonio com- mendari. Ideo per presens scriptum notum sit tam presentibus quam futuris, quod, cum discordia verteretur inter domum hospitalis sancte Marie Theoto- nicorum ex una parte et dominum Iacobum de Amigdalia ex altera super qui- busdam privilegiis, que fuerunt quondam comitis Iozolini, que erant penes ipsam domum, continentibus terram Maronis cum pertinenciis suis et super septem milibus bisanciis, quos dictus icomes habere debebat in funda et cathena Accon et super aliis iuribus et racionibus, quas idem comes habere debebat in regno Ierosolimitano, de quibus omnibus idem dominus Iacobus dicebat me- dietatem ad se pertinere ex ratione domine Agnetis, matris sue, filie dicti co- mitis Iozolini; et eciam medietatem fructuum perceptorum de Maron et perti- nentiarum suarum et medietatem septem milium bisantiorum perceptorum in funda et cathena Accon dicebat ad se pertinere. Ex altera parte frater Hen- ricus de Honloch magister ipsius domus et alii fratres pro ipsa domo dicebant predicta omnia tenuisse bona fide et percepisse auctoritate privilegiorum suo- rum et aliorum iurium. Tandem interventu communium amicorum volentes par- cere laboribus et expensis ad hanc concordiam insimul devenerunt, videlicet quod dictus frater Henricus de Honloch, magister dicte domus, de consensu et voluntate fratrum suorum et tocius conventus recognovit ipsum dominum Iacobum legitimum heredem de medietate Maronis cum pertinenciis suis et medietate predictorum septem milium bisantiorum et de medietate omnium aliorum iurium et rationum, quas idem comes Iozolinus habuit vel habere de- bebat in toto regno Ierosolimitano, et investivit eum de ipsa medietate Maronis cum pertinentiis suis et medietate vii"m milium bisantiorum predictorum et de medietate omnium aliorum iurium et rationum, que fuerunt dicti comitis Iozolini, ut superius continetur. Et dictus dominus Iacobus de Amigdalia pro se et heredibus suis proinde dimisit et remisit dicto fratri Henrico magistro et fratribus pro domo ipsorum et eorum successoribus omne ius et omnem que- stionem seu querimoniam, quod vel quam modo quolibet habere posset super altera medietate Maronis cum pertinenciis suis et super altera medietate pre- dictorum septem milium bisantiorum et super altera medietate omnium aliorum iurium et rationum dicti comitis Iozolini in regno Ierosolimitano; et voluit dictus dominus lacobus et promisit pro se et heredibus suis, ut dicta domus hospitalis Theotonicorum teneat et custodiat dicta privilegia, que fuerunt dicti comitis Iozolini, utpote ea, quibus1 contingit integra medietas bonorum omnium, que fuerunt dicti comitis Iozelini, ratione venditionis, quam domui fecit olim domina Beatrix primogenita filia dicti comitis Iozolini tam illorum, que sunt in manibus christianorum, quam illorum, que sunt in manibus paganorum, cum ad manus christianorum reddiderit ea deus. Et idem magister et fratres

sui pro ipsa domo convenerunt et promiserunt dicto domino Iacobo et suis heredibus, ut, quociens opus erit eis, ipsa privilegia dabunt et exhibebunt, pre- stita prius securitate de ipsis privilegiis domui restituendis. Convenit etiam insuper dictus dominus Iacobus et promisit se vel heredes suos nullam de ce- tero controversiam seu querimoniam moturos ipsi domui de fructibus et acces- sionibus perceptis de ipsa medietate Maronis cum pertinentiis suis et de me- dietate vii"°1 milium bisantiorum hactenus perceptorum ab ipsa domo in cathena et funda Accon usque ad diem, quo3 facta fuit hec compositio. Et insuper convenit et promisit dictus dominus Iacobus, quod permutationem sive con- cambium factum ab eo de medietate Castri Regis cum pertinentiis suis pro sex milibus et quadringentis bisantiis per se et heredes suos omni tempore ratum et firmum habebit iuxta tenorem privilegiorum exinde confectorum, nec aliqua occasione per se vel alium seu heredes suos contravenire temptabit. Simili modo promisit ratam et firmam habere locationem sive concambium de medietate Maronis cum pertinentiis suis pro duobus milibus et quingentis bi- santiis, prout in privilegio exinde facto inter eos plenius continetur. Et si aliquo tempore de bonis olim comitis Iozolini, que hodie tenentur a Sarracenis, contingerit3 dante domino adipisci seu aliquo modo recuperari et devenire ad manus suas vel heredum suorum, promisit et convenit idem dominus Iacobus pro se et suis heredibus, quod ea non vendent nec pignori dabunt nec appal- tabunt nec permutabunt in aliquam personam, si predicta bona ipsa domus habere voluerit equo precio ad arbitrium communium amicorum inter eos sta- tuto. Promisit etiam, quod nec dabit vel recommandabit alicui persone vel loco in preiudicium et gravamen ipsius domus Theotonicorum. Predicta itaque omnia et singula utraque pars pro se et heredibus seu successoribus suis bona fide attendere et observare promisit, nec contra aliquo modo vel ingenio seu aliqua occasione venire, renunciantes omni iuri et beneficio, quod eis super hoc competere posset sub pena duorum4 milium marcharum argenti ad invi- cem inter se promissa et conventa solvenda parti, que pactum et conventionem servaverit, et nihilominus ea soluta predicta omnia et singula perpetuam opti- neant firmitatem. Ad cuius rei memoriam duo consimilia privilegia de voluntate parcium exinde sunt confecta sigillis plumbeis pendentibus, capituli videlicet dicte domus et dicti domini Iacobi, sigillata. Huius autem rei testes sunt frater Con- radus de Nasso, preceptor magnus; Guarnerus de Mereberc, marescalcus; Gun- terus, commendator Apulie; Iohannes de Niflanda, castellauus Montis fortis; Conradus hospitalarius; Ludowicus, drapperius; Henricus de Diling et Symon3 de Huasi, fratres de dicta domo hospitalis Theutonicorum; dominus Balduinus de Pinkin; dominus Stephanus de Sauvani; dominus Raulus Alemannus et Philippus Balduinus. Actum apud Accon in palatio dicti magistri anno domi- nice incarnationis m° cc° xliiii° indictione secunda nonas iulii.

III, 166v. Ubi titulus legitur „Rescriptum privilegii de casale Maronis". 1. cui B. 2. q, i. e. que B, 3, B. 4. duarum B.