Bonifacius episcopus servus servorum dei dilectis filiis magistro generali hospitalis beate Marie Theotonicorum Ierosolimitani ac universis commendato- ribus, preceptoribus et fratribus domorum eiusdem hospitalis ubilibet con- sistencium salutem et apostolicam benedictionem. Sincere devocionis afffe- ctus, quem ad nos et Romanam geritis ecclesiam, non indigne meretur, ut peticionibus vestris, illis presertim, per quas divinus cultus et devocio populi in dei laudem feliciter augmentatur, favorabiliter annuamus. Hinc est, quod nos vestris in hac parte supplicationibus inclinati, ut quilibet ex vobis et fratribus hospitalis et domorum predictorum in sacerdocio constitutus1 in ca- pellis et ecclesiis eciam non parrochialibus ad vos et vestras domos perti- nentibus verbum dei, quociens hoc vestrum alicui placuerit, publice ad popu- lum predicare seu per alios sacerdotes facere predicari alicuius licentia super hoc minime requisita libere et licite possit, devocioni vestre auctoritate aposto- lica tenore presencium indulgemus, et. nichilominus de omnipotentis dei misericordia et beatorum Petri et Pauli apostolorum eius auctoritate confisi omnibus vere penitentibus et confessis, qui huiusmodi predicaciones devote audierint, singulis videlicet vicibus, quibus predicaciones ipsas audierint, ut prefertur, uuum annum et unam quadragenam de iniunctis eis penitenciis misericorditer relaxamus, universis et singulis auctoritate predicta districtius inhibentes, ne vos in huiusmodi predicacionibus quomodolibet impediant aut Christi fideles ab huiusmodi predicacionibus retrahant quoquomodo constitu- cionibus, privilegiis, indulgenciis et litteris apostolicis generalibus vel specia- libus, quorumcunque tenorum existant, per que presentibus non expressa vel totaliter non inserta effectus earum impediri valeat quomodolibet vel differri et de quibus quorumque totis tenoribus habenda sit in nostris litteris mencio specialis et aliis contrariis non obstantibus quibuscunque. Nulli ergo omnino hominum liceat hanc paginam nostre concessionis et constitucionis infringere vel ei ausu temerario contraire. Si quis autem hoc attemptare presumpserit, indignacionem omnipotentis dei et beatorum Petri et Pauli apostolorum eius se noverit incursurum. Datum Rome apud Sanctum Petrum v kalendas marcii pontificatus nostri anno decimo.

IV, 224 v. Ioh. 41. Edd. Caor.-1inii<< c. G; Senner P. 1. constituti* B.