Sachent tuit cil qui sont et seront, que je Julien, seignor de Seete et de Biaufort, doing et otrei et conferm en aumosne perpetuel a vos, frere Anne, honorable maistre de la maison de 1'hospitau de nostre dame des Alemans de Jerusalem, et a vostre covent et a voz successors franchement et quitement sans servise et sans aucune maniere de redevance por 1'ame de mei et de mon pere et de ma mere et de mes ancestres por le bon servise que vos le devant dit maistre et les freres de vostre maison avez fait a mei et a mes ancestres, c'est assaveir le Schuf, Henihati, le casau de Niha et ses gastines, Tyron, Achif, le Hossaim, Amellebene, Sarsouris, Elmesetye et le casau Besser et ses gastines, la Meissereyfe, la Gezeyre et le casau la Mensora et le casau Mouresthe et le casau Jebha et sa gastine Geisshou et le casau Baderen et ses gastines, Ouzelle, Houreybe, et la gastine de Beninemre, et Meisquir et la gastine de la Houreibe et le casau la Mohuthara et sa gastine Bede et le casau Bouthme et le Ssouff doirSsoueizeni et le casau Cafrenebrach et ses gastines, le Doureip et une autre gastine, qui est en la devise de Maassar Beni Elhon et le casau Deir Zecaron et le casau Maassar Beni Elhon et le casau Befedin et le casau Deir Bebe et le casau Deir Elcamar et ses gastines, la gastine de Beni Belmene et la gastine de Beni Nemre et la gastine dou fiz de Ne- geme et le Sscuff de Medenes et de Beni Eleczem et le casau Gezin et ses gastines, la Couleya, la gastine de Beni Rages et Thora, Bergoiss, la Gabatie, la Ssemeha, Baraquedes, et la gastine de Beni Ougih et le casau Queitoule et sa gastine et le casau Bequicin et sa gastine Delgane et le casau Bennouthe

et le casau Eissif et le casau la Gederde et le casau Bathon et le casau Ha- zibe et le casau Hadous et le casau Elhoussem et la gastine le Ssoucayef o totes luer appartenances et o totes luer gastines et o totes luer possessions et lor teneures1 et lor raisons et lor dreitures quex qu'eles soient et ou qu'eles soient, en homes, en femes, en enfans, en terres laborees et non laborees, en plains, en montaignes, en montees, en valees, en arbres, en vignes, en jardins, en cortillages, en aigues corrans et non corrans, en fors, en bains, en molins, en bois, en rivieres, en pasturages, en justises, en chemins et hors chemins et en toutes autres choses, qui en ce presente privelige sont moties et non moties, qui a devant diz lues apartienent et doivent apartenir. Et je le devant nome Julien seignor de Seete et de Biaufort por mei et por mes heirs et por mes successors desorendreit otrei et promet et sui tenuz a vos le devant nome maistre et a vostre covent et a voz successors, que mei et mes heirs et mes successors vos garinterons et maintendrons et deffendrons les choses dessus dites totes ensemble et chascun par sei de toz contens, de totes chalonges et de totes requestes contre totes maniers de genz cristienes, qui a 1'encontre vos enniroient ou voroient3 aler par quelque maniere que ce fust. Et por ce que je voil, que les choses dessus dites totes ensemble et chascun par sei soient tenues et maintenues a toz tens fermes et estables, si que mei ne mes heirs ne mes successors ne autre por nos en aucun tens n'en puissons aler a 1'encontre en tout ou en partie, 1'ai ge jure sur les saintes evangiles de deu de tenir et maintenir totes les choses dessus dites et de non aler ent a 1'encontre et de non soffrir, que autre en voise a 1'encontre en aucune maniere, et a greignor seurte de vos, le dessus dit maistre, et de vos freres et de voz successors j'ai fait faire3 ce present privelige buller de plumb empreint en mes drois coins de ma seignorie de Seete o la garentie de mes homes, de quex ce sont les nons: Johan de la Tor, conestable de ma dite seignorie de Seete; Johan Har- neis, mareschal; Phelippe de Biaufort, mon frere; Joffroi deVilliers; Phelippe Hardel; Ode de Creel; Guy de Renay et de plusors autres. Ce fu fait en 1'an de Tincarnation nostre seignor Jhesu Crist m cc lx ou meis de mars.

III, 163. 1. teneutes B. 2. aupplevi: ou voroient. 3. fait fait faire B.