Bonifacius episcopus servus servorum dei ad perpetuam rei memoriam.

Etsi quibuslibet personis et locis religiosis ex iniuncto nobis apostolice servitutis officio defensionis presidio assistere teneamur, magistro tamen et fratribus hospitalis beate Marie Theotonicorum Ierosolimitani tanto specialius et efficacius in eorum oportunitatibus adesse nos convenit, quanto frequencius pro conservacione et augmento fidei orthodoxe contra acerrimos nominis christiani inimicos se rerum et corporum periculis promptis animis exponere non formidant. Sane ad nostrum nuper pervenit auditum, quod, licet dictis

magistro et fratribus a sede apostolica per specialia eiusdem sedis privilegia indultum existat, quod ad dandum aut solvendum collectas vel caritativa aut alia subsidia seu exactiones, quibuscumque nominibus censeantur, locorum ordinariis vel quibusvis aliis personis vel ad contribuendum in collectis sub- sidiis aut exactionibus huiusmodi minime teneantur nec ad id compelli possint inviti, nosque eciam, cum aliqui locorum ordinarii in partibus Alamanie con- stituti novum et illicitum gravamihis et exactionis modum contra eosdem magistrum et fratres exquirentes personas per ipsos ad parrochiales ecclesias et beneficia ecclesiastica, in quibus ius obtinent patronatus, presentatas admittere et in illorum rectores institttere indebite recusarent, nisi eedem persone medie- tatem vel aliam certam partem vel quottam primi anni ecclesiarum et bene- ficiorum ipsorum dictis ordinariis, ad quos huiusmodi institucio communiter vel divisim pertinebat, persolverent eisdem ordinariis ubilibet constitutis, eciamsi archiepiscopali vel episcopali aut alia quavis prefulgeant dignitate, ad quos admissio personarum et institucio rectorum huiusmodi pertineret, communiter vel divisim per nostras literas auctoritate apostolica sub excommunicacionis pena, quam contrarium facientes eo ipso incurrerent, districte precipiendo mandaverimus, quatenus ab illicitis exactionibus et gravaminibus huiusmodi penitus abstinentes et qualibet difficultate cessante personas ydoneas, quas prefati magister et fratres ad ecclesias et beneficia supradicta, in quibus pacifice et quiete, ut prefertur, ius obtinerent patronatus, tunc vacancia et in antea vacatura ducerent presentandas prout ad eos communiter vel divisim pertinent legittimo impedimento cessante pure et libere et absque aliqua exactione huius- modi admittere et in eorundem, ad que sic presentate forent ecclesiarum et beneficiorum rectores instituere curarent et nichilominus, si cum debita in- stancia requisiti idem infra mensem a tempore requisicionis huiusmodi racio- nabili causa cessante facere recusarent vel differrent, extunc conservatores eisdem magistro et fratribus contra inferentes eis in bonis aut rebus vel per- sonis ipsorum iniurias vel iacturas a sede deputati predicta vel deputandi aut unus eorum per se vel per alios huiusmodi sic presentatas personas ea vice auctoritate dictarum litterarum loco huiusmodi ordinariorum, si aliud canonicum non obstaret, admitterent vel admitteret ac instituerent seu institueiet; ac de- cernimus irritum et inane, si secus super hiis a quoquam quavis auctoritate scienter vel ignoranter contingeret attemptari, prout in eisdem litteris plenius continetur. Tamen venerabilis frater noster Burckardus episcopus Augu- stensis, cui et successoribus suis episcopis Augustensibus qui essent pro tempore, iuxta consuetudines antiquas eciam a tempore, cuius contrarii me- moria, ut ipse Burckardus episcopus asserebat, non extabat, collectam seu cari- tativum subsidium annuatim moderate tamen a quibuscumque personis eccle- siasticis secularibus et regularibus exemptis et non exemptis eciam in dignita- tibus, personatibus et officiis constitutis in civitate et diocesi Augustensibus beneficia ecclesiastica obtinentibus ac eciam annatam seu medios fructus primi anni a beneficiis, que monasteriis necnon abbatibus et conventualibus mensis

ac aliis locis et personis predictarum et aliarum civitatum et diocesium unita, annexa et incorporata seu alias appropriata forent petendi exigendi et reci- piendi, contradictores quoque per censuram ecclesiasticam appellacione post- posita compescendi auctoritate predicta plenam et liberam per diversas alias nostras litteras, quarum tenores presentibus haberi volumus pro sufticienter expressis, concessimus facultatem, consuetudines piedictas per easdem litteras nichilominus confirmando, huiusmodi consuetudinis ac litterarum et facultatis pretextu collectam seu caritativum subsidium a fratribus dicti hospitalis in civitate et diocesi Augustensibus predictis preceptorias, commendatorias, domos seu beneficia obtinentibus ac eciam annatam seu medios fructus huiusmodi pro institucionibus rectorum ad parrochiales ecclesias et alia beneficia huius- modi in dictis civitate et diocesi consistencia, in quibus iidem magister et fratres ius obtinent patronatus, nititur extorquere. Nos igitur equum repu- tantes et congruum, ut magister et fratres predicti ab oppressionibus et grava- minibus tueantur et in suis libertatibus conserventur ac privilegiis eis digne concessis libere pociantur, motu proprio non ad ipsorum vel alterius pro eis nobis super hoc oblate peticionis instanciam, sed de nostra mera liberalitate omnia et singula privilegia, exemptiones, libertates, litteras et immunitates per nos et predecessores nostros Romanos pontifices dictis magistro et fratribus contra huiusmodi subsidii et annate seu medietatis fructuum solucionem vel exactionem concessa et quecunque inde secuta rata habentes et grata, ea de- cernimus auctoritate apostolica predicta in sui roboris firmitate debuisse et debere irrefragibiliter perdurasse et perdurare; ipsaque eadem auctoritate motu simili ex certa sciencia confirmamus et presentis scripti patrocinio communi- mus et nichilominus auctoritate prefata similibus motu et sciencia declaramus predictas et quascumque alias litteras eisdem Burkardo episcopo et successo- ribus suis seu quibuscumque locorum ordinariis vel aliis super huiusmodi sub- sidii et annate seu medietatis solucione vel exactione hactenus concessas seu imposterum concedendas ad dictos magistrum et fratres vel eorum aliquem se minime extendisse aut extendere in futurum nostreque intencionis non fuisse nec esse, quod ipsi magister et fratres aut eorum aliquis huiusmodi litterarum Burckardo episcopo et 6uccessoribus suis prefatis seu quibuscumque aliis lo- corum ordinariis super huiusmodi subsidii et annate seu medietatis solucione vel exactione sub quacumque forma vel expressione verborum concessorum vel imposterum concedendarum pretextu aliquid solvere tenerentur seu ad id quo- quam coartari possent inviti, decernimus, quoad ipsos magistrum et fratres quoscumque processus et sentencias dictarum litterarum pretextu contra pre- sencium tenorem habitos et habendos, latas et ferendas et quidquid aliud in contrarium a quoquam quavis auctoritate scienter vel ignoranter attemptatum forsan est hactenus vel imposterum contigerit attemptari, irritos irratas et inanes ac irritum et inane, litteris predictis super huiusmodi subsidii et annate seu medietatis solucione vel exactione hactenus concessis et imposterum con- cedendis necnon constitutionibus apostolicis et aliis contrariis non obstantibus

quibuscumque. Nulli ergo omnino hominum liceat hanc paginam nostre con- stitucionis, confirmacionis, communicionis et declaracionis infringere vel ei ausu temerario contraire. Si quis autem hoc attemptare presumpserit, indignacionem omnipotentis dei et beatorum Petri et Pauli apostolorum eius se noverit incur- surum. Datum Rome apud sanctum Petrum iiii idus decembris pontificatus nostri anno quartodecimo.

IV, 229 cf. supra 1319 iulii 12.