Honorius episcopus servus servorum dei etc. Ex parte dilectorum filiorum, fratrum hospitalis sancte Marie Theotonicorum Ierosolimitani, nobis est oblata querela, quod quidam vestrum occasione concilii generalis pro sue voluntatis arbitrio decimas laborum de possessionibus habitis ante concilium memoratum, quos ipsi propriis manibus aut sumptibus excolunt, et nutrimentis suorum animalium ab eis contra ea, que a nobis indulta sunt, non metuunt extorquere. Quocirca universitati vestre per apostolica scripta in virtute obe- diencie districte precipiendo mandamus, quatinus non obstaute longa violentia super dictis exactionibus eisdem fratribus irrogata et vos ipsi ab extorsione huiusmodi penitus desistatis et vestros subditos taliter per censuram ecclesia

sticam appellatione remota cogatis desistere ab eisdem, quod dicti fratres super hiis non possint de cetero querelari. Datum Laterani xvii kal. februarii pontificatus nostri anno v.

Sine dato: I, 73; II, 102 n. 44; A. 20 n. 42 Latine et Germanice; D. 42. — Cum dato: jvii kal. febr. Laterani p. a. 5. Or. cum bulla plumbea in filis sericeis appendente quondam Mer- genthemi, nunc Vindobonae in archivo ordinis Theutonici exstat. R. 69 inter Mergenthemensia n. 14 forsan per lapsum calami xviii.