Innocentius episcopus servus servorum dei venerabilibus fratribus archi- episcopis et episcopis ac dilectis filiis abbatibus etc. Ex parte dilectorum filiorum magistri et fratrum hospitalis sancte Marie Theutonicorum Ierosolimitani nobis gravis est oblata querela, quod nonnulli nobiles, milites et laici ab eis pro claudendis villis et eastris ac erigendis1 munitionibus subsidium pecunia- rium contra iusticiam exigunt, quod si non dederint, illud ab eis auferunt vio- lenter. Cum autem bona dictorum magistri et fratrum sint per totum depu- tata redemptoris obsequiis, pro cuius attollendo nomine ipsi nec rerum susti- nere dispendium nec subire metuunt pericula personarum, discrecioni vestre per apostolica scripta mandamus, quatenus nobiles et alios supradictos, quod ab indebita illorum super premissis molestatione desistant, monere attentius et inducere procuretis, eos ad id, si necesse fuerit, per censuram ecclesiasti- cam, appellatione postposita, compescendo, non obstante, si aliquibus a sede apostolica sit indultum, quod suspendi vel interdici aut excommunicari non possint, nisi de indulto huiusmodi sibi concesso plena et expressa in nostris litteris mentio habeatur. Datum Laterani iii idus februarii pontificatus nostri anno undecimo.

Originale cum bulla in filis cannabinis appensa in archivo ordinis Theutonici Vindobonensi. A. 16 p. 78 sq. „Colonie\ Ed. Hennes I, 143 n.151 ex or. 1. irrigendis A. 16.