Notum sit omnibus presentibus et futuris, quod ego Aymericus dei gracia rex Ierusalem nonus et rex Cipri voluntate et assensu domine Ysabellis, uxoris mee, illustris regine et illustris quondam regis Amalrici filie, dono et in per- petuum concedo, domino deo et sancte Marie et hospitali Alamannorum fra- tribusque eiusdem hospitalis presentibus et futuris turrem, que est super por- tam Acconis, que porta appellatur porta sancti Nicholay, tali modo, quod ipsi fratres nichil habeant in porta, que est sub turre, per quam intratur et exitur de villa, nec in circumstanciis turris aliquid de novo possint erigere1, ipsam

que turrem nec dare poterunt alicui nec vendere nec invadiare; et si forte religio eorum ad aliam transmutaretur religionem3, predictam turrem mihi sive meis successoribus dominis regni resignarent. Preterea si pro guerra ini- micorum vel pro aliquo casu accidente3 dicta turris mihi meisque successoribus dominis regni fuerit necessaria, si voluerimus, turrem nobis debent reddere, nulla obstante occasione; nos vero post nostrum de turre peractum negocium predictis fratribus turrem debemus reddere, et ipsam nullis aliis quam ipsis vel dare vel concedere aut vendere poterimus vel invadiare. Ut autem hec nostra donatio prenominato hospitali et fratribus rata permaneat et immutata, presentem cartam sigillo nostro et4 subscriptione testium fecimus communiri. Huius rei testes sunt: Rainaldus Sydonis; Radulfus Tyberiadis, senescalcus regni; Iohannes, constabularius regni; Iohannes, marescalcus regni; Rohardus, dominus Cayphe; Terricus de Orca; Terricus de Terrimonde; Raimundus de Gibelet. Actum Accon anno ab incarnatione domini m° c° xc° viii° mense augusto. Datum per manum domini Ioscii Tyrensis archiepiscopi regnique cancellarii.

I, 24v. n. 46. 1. exigere B. 2. Aute paucos menses 1198 martio hospitalis Theuto- nicorum Acconensi susceptis Templariorum militaribus statutis regeneratus et dilatatus erat; cf. Narrationem de primordiis ordinis Theutonici ed. TOppen in Scriptoribus rerum Prussicarum I, 220. Pro Aimerici regis nomine manuscriptum ibi p. 221 male habet Heinrici, qui nunquam rcx tantum abusive ab aliquibus (Arnoldo Lubecensi) sic nominatus est. 3. accidenti B. 4. supplevi.