Coneue chose seit a touz ceaus qui sunt et qui avenir sunt, que ge Ju- liein par la grace nostre seignor sire de Saite doins et autrei et conferme a tei, Pierre d'Avalon, conestable de Tabarie et seignor d'Adelon, a tei et a tes hoirs paradurablement une place en ma cite de Saite, la quele place set sur la rive de la mer et devers levant se tent a la1 maison de 1'ospital des Alemans et devers migdi envers la maison des freres menors et d'occident dure jusque a la1 mer, et devers orient dure jusque au chemin, qui vait a la1 mai-ine et passe entre la tue maison et la maison de madame Margarite ma mere, qui ja fu dite dame de Saite; la quele place te doins ge par tous tens mais quitement et franchement sens nul service ne sens nul homage ne sens nule redevance, ensi que tu la puisses laborrer et atefier et haucer a tote ta volente et la puisses vendre et doner et engaier et aliener a qui que tu vorras quitement et franchement sens nul contredit salve a eglise o a rele- gion. Et por ce que ceste chose soit ferme et estable a tous jors mais et que ge ne nui de mes hoirs ne autre por moi non puissons aler a Tencontre, ge ai fait faire ces present privilege .et soeler de mes coigns de plomb ala1 ga- rentie de mes homes: sir Johan de la Tor, conestable de Saite; et sir Joufroi de Vilers; et sir Simon de Chevile; et sir Ralos d'Aachif; et sir Hoede de Cresel. Ce fu fait en 1'an de Tincarnacion nostre seignor Jhesu Crist mil et douceuz et cinquante trois, lundi a vint et un jor de mois de mars.

III, 161 v. Forsan anno 1254 adnumerandum. Sed martii 21 dies 1253 in sextam feriam incidit, 1254 in sabbatum. 1. le B.