Wir Albrecht, von gots gnaden herczog ze Osterreich, ze Steyr und ze Kernden, her ze Chrain, auf der Marich und ze Portenaw, graf ze Habspurch und ze Kyburch, lanntgraf in Oberen Elsassen und her ze Phirt, tun kunt

offenleich an disem brief, das fur uns chom der erber man pruder Johanns, comentewr von Tewtschen1 haws ze Laybach, und zaigt uns ain hanntvest in Latein geschriben, die herczog Ulreich salig von Kernden dem Tewtschen haws daselbs ze Laybach geben hat, und pat uns der selb pruder Johanns, das wier im die vorgeschriben hanntvest durch got vernewten, bestetten und von Latein in Tewtsche brechten. Das haben wir getan, als von wart ze wart hernach geschriben stet:

Wir Ulreich (etc. supra n. 180). Und wann wir ger n unsern vordern an allen gutten dingen nachvolgten und begirlicher an den sachen, die geistleich ordnung angent, davon haben wir den prudern des Tewtschen haws in der vorgenanten unser stat ze Laybach durich got und durich unser frawn sand Marein willen und unser vordern1 und unsern selen ze hilf und ze trost vernewtt und bestatt alle die recht, gnad und freyung, die da oben an disem brif geschriben stent, und vernewen und be- stetten auch die mit disem brief und wellen auch, das weder unser hawpt- lawt, richter noch annder niemant wider die selben gnad, recht und freyung tue oder in die in chainen weg zerbrech pey unsern hulden. Des geben wir ze urckund disen brief besigilten mit unserm insigel, der geben ist ze Krain an erichtag nach sannd Margretentag nach Crists gepurd dreuczehenhundert jar darnach in dem funfczigisten jar.

VI, 368. 1. Tewchsen B. 2. supplevi.