Wir Albrecht, von gots gnaden herczog ze Osterreich, ze Steir, ze Kernden, her zu Chrain, uf der Marich und ze Portenaw, graf ze Habspurch und ze Kyburch, lanntgraf in Obern Elsassen und her ze Phirt, tun chunt offenlich an disem brief, das fiir uns chom der erber man bruder Johanns, comentewr vom Teutschen haws ze Laybach, und zaigt uns ain hanntvest in Latein ge- schriben, die herczog Ulreich salig von Kernden den Tewtschen herren ge- mainchleich ze Kernden, ze Krain und auf der Marich geben hat, und bat uns derselb pmder Johanns, das wir in die vorgeschriben hanntvesten durich got vernewten bestetten und von Latein in Tawtsch prechten. Das haben wir getan, als von wart zu wart hernach geschriben stet:

Wir Ulreich (supra n. 181). Und wann wir ger n unser n vordern an allen gutten dingen nachvolgen und begirlicher an den sachen, die geistleich orden angent, davon haben wir den Tewtschen herren in den vorgenanten unsern herschaften durich got und durich unser frawen sannd Marien willen und unser und unser vorder n zelen ze hilf und ze trost vernewt und bestett all die recht, gnad und freyung, die da oben an disem brief geschriben stentt, und vernewen und bestatten auch die mit disem brief und wellen auch, das weder unser hawptlewt noch annder niemant

wider dy selben gnad, recht vnd freyung tue oder in die in chainen weg zeprech pey unsern hulden. Des geben wir ze urkund disen brief versigilten mit unserm insigel. Geben ze Laybach in Krain an eritag nach sannd Mar- greten tag nach Christs gepurde drewczehenhundert jar darnach in dem funf- czigisten jar. VI, 359.