Martinus episcopus servus servorum dei ad futuram rei memoriam. Pro singulorum fidelium presertim religiosarum personarum statu salubriter dirigendo, prout ex debito nobis iniuncti pastoralis tenemur officii, solicite con- sideracionis intuitum extendentes ad ea, per que status religionis continuum suscipiat incrementum et religiosorum dispendiis occurratur, libenter adhibemus solicitudinis nostre partes, prout rerum et temporum qualitate pensata in do- mino conspicimus salubriter expedire. Sane peticio pro parte dilectorum filio- rum magistri et fratrum hospitalis beate Marie Theotonicorum Ierosolimitani nobis nuper exhibita continebat, quod ipsi in diversis provinciis et locis ius patrouatus et presentandi personas ydoneas ad parrochiales ecclesias et alia beneficia ecclesiastica per clericos seculares gubernari consueta habere dinoscun- tur et, si ipsi magister et fratres ad ecclesias et beneficia huiusmodi aliquo- ciens personas dicti hospitalis ordinariis locorum aut aliis, ad quos institucio earundem personarum spectat de consuetudine vel de iure presentare possent

ac ecclesie et beneficia huiusmodi per personas dicti hospitalis regi et guber- nari valerent, et hoc ipsi magister et fratres ab importunis instanciis plerum- que petencium essent liberi et quieti pro parte magistri et fratrum predicto- rum nobis fuit humiliter supplicatum, ut ipsis ad ecclesias et beneficia huius- modi personas dicti hospitalis aut alias ecclesiasticas ordinariis locorum aut aliis ut premittitur presentandi licenciam concedere et alias eis in premissis oportune providere de benignitate apostolica dignaremur. Nos igitur ipsorum magistri et fratrum in hac parte supplicacionibus inclinati ipsis, ut ad eccle- sias et beneficia huiusmodi, que in quibusvis provinciis sive locis nunc ob- tinent et in futurum dante domino iuste obtinebunt, eciam per quoscumque regi consueta, quocienscumque illas et illa vacare contigerit, personas dicti hospitalis aut alias ecclesiasticas, prout ipsis melius visum fuerit, ordinariis locorum sive aliis, ad quos institucio earundem personarum quomodolibet ut premittitur spectabit, de consuetudine vel de iure presentare et ordinariis ipsis personas hospitalis huiusmodi aut alias ecclesiasticas instituere necnon per- sonis predictis, postquam in illis institute fuerint, illa regere et gubernare libere et licite possint et valeant, licenciam elargimur, non obstantibus apo- stolicis et provincialibus et synodalibus editis constitucionibus et ordinacioni- bus, eciamsi de illis presentibus mencio esset facienda specialis et aliis con- trariis quibuscumque, decernentes eciam irritum et inane si secus super hiis a quoquam quavis auctoritate scienter vel ignoranter contigerit attemptari. Nulli ergo omnino hominum liceat hanc paginam nostre concessionis et con- stitucionis infringere vel ei ausu temerario contraire. Si quis autem hoc at- temptare presumpserit, indignacionem omnipotentis dei et beatorum Petri et Pauli apostolorum eius se noverit incursurum. Datum Rome apud sanctum Petrum iiii nonas marcii pontificatus nostri anno sexto.

IV, 249 v. et 255 v. Transsumtum sub sigillo curiae apostolicae autoritate Iohannis de Cesarinis, D. D. cam. apost. auditoris gen. dat. Bome 1424 decbr. 22. Exstat in archivo Regi- montano. Ioh. 52. Edd. Caorsinus D. 4; Senner G.