Honorius episcopus servus servorum dei venerabilibus fratribus archi- episcopis et episcopis et dilectis filiis abbatibus, prioribus, archidiaconis, de- canis et aliis . ecclesiarum prelatis, ad quos littere iste pervenerint, salutem et apostolicam benedictionem. Cum bona fratribus hospitalis sancte Marie Theu- tonicorum Ierosolimitani fidelium devotione collata defensioni terre orientalis et pauperum receptioni ac sustentationi proficiant, providere quantum possumus nos oportet, ne ab aliis minus necessariis presumptione aliqua usurpentur. Pervenit autem ad nos, quod quidam ab eis et hominibus eorum ad clau- dendas villas atque castella et erigendas munitiones vicesimam extorquere pre

sumunt et, si nou dederint, auferunt violenter et ecclesiam orientalem et pau- peres sepulchrum domini visitantes indebite pro magna parte sustentatione defraudant, quam fratres hospitalis ipsius multo studio ,et labore acquirere moliuntur. Unde, quia per vos ista convenit emendari, universitati vestre per apostolica scripta mandamus, quatinus, ne predicte super eos ulterius et eorum homines fiant exactiones, districtius inhibere curetis. Si quis autem contra inhibitionem nostram venire presumpserit, per excommunicationis et interdicti sententias a tanto eum revocetis excessu et taliter ad emendationem eorum suscepte amministrationis exerceatis officium, ut sepe dicti fratres non cogantur longius proferre querelam et vos de tuitione pauperum Christi retributionem eternam in extremo examine recipere valeatis. Datum Laterani ii non. februarii pontificatus nostri anno quinto.

Sine dato: II, 94 n. 17; A. 20 n. 17 Latine et Germanice cum nota: In Confluentia. D. — Cum dato: Laterani ii non. febr. p. n. a. 5. Ex originali archivi ordinis Theutonici Vindobonensis, quod quondam Confluentiae fuit, cum bulla in filis sericeis appendente, edidit Ilennes I, 56 n. 52. A. 16 p. 74 .Colonie". In archivo Vindobonensi etiam transsumtum pcr Baldum not. imp. d. d. Tridenti in palatio episcopali 1244 aug. 2 factum.