Notum sit omnibus tam futuris quam presentibus, quod ego Balduinus per dei graciam in sancta civitate Ierusalem Latinorum rex "sextus concedo et confirmo tibi Ioscelino, Edessani comitis filio, avunculo et senescalco meo, ter- ram que dicitur de Sancto Georgio et baiulationem puerorum Ade Bethsamitis, que Hugo iuvenis, filius Hugonis Bibliensis domini, concessione uxoris sue Ste- phanie tibi usque ad septem annos plene completos possidenda pro sexcentis bisanciis singulis annis mense augusto censualiter reddendis et sine servicio possidendis vendidit et concessit, tali siquidem concessione, quod septem fruges et omnes alios terre redditus per septem prescriptos annos ex eadem terra recipies plenarie et servicium, quod pro prenominata terra fieri debet, mihi facies ac de omnibus, que de terre forisfacturis infra prefixum terminum ha- bueris, pretaxato Hugoni medietatem reddes; quod, si predictus Hugo in par- tibus istis cum uxore sua mansionem suam facere voluerit, tu terram, de qua hic agitur, eidem reddere tenearis, et, si rusticis terre iam dicte de tuo ali- quid commodaveris, ipse tibi integre reddi faciet. Prescriptorum etenim bisan- ciorum precepto iam dicti Hugonis in presenti mille et trecentos reddidisti. Ut autem huius concessionis mee pagina rata teneatur et indissoluta, presen- tem cartam testibus subscriptis et sigillo meo muniri precepi. Factum est hoc anno ab incarnatione domini m° c° lxx° ix° indictione xii°1. Huius rei sunt testes Reinaldus Sydonis dominus, Balianus de Ybelino, Balianus Ioppensis, Gerardus de Ridefort, regius marescalcus; Gozvinus Boccus; Giselbertus de Floriaco, vicecomes Acconensis; Raimundus de Montolivo. Data Accon per manum Willelmi Tyrensis archiepiscopi regisque cancellarii viii° kal. decembris.

I, 6v. n. 3, 1. pro xiii*.