In nomine patris et filii et spiritus sancti. Amen. Notum facio presen- tibus et futuris ego Iohannes de Ybelino, dominus Beriti et regni Ierosolimi- tani baiulus, quod Iohannes Tortus in presenciam meam et regalem curiam veniens a me et ab hominibus domine Marie, regni honorabilis domine, po- poscit licenciam vendendi domum suam Accon pro debitis suis solvendis, super quo habito consilio cum hominibus domine mee predicte venditionem predicte domus eorum consilio tunc non concessi; verumptamen, cum ipse Iohannes Tortus vidisset, quod non potuisset habere licentiam vendendi domum suam, dixit, quod eum oportebat vendere feodum suum vel domum pro debitis suis solvendis, super quo habui consilium ab hominibus prenominate domine mee, qui, cum vidissent, quod oportebat predictum Iohannem Tortum ex necessitate vendere feudum suum vel domum pro debitis suis solvendis, mihi dederunt in consilium, ut ei darem licenciam vendendi domum suam ob feudum retinen- dum. Unde ipse Iohannes Tortus concessione predicte domine mee et volun- tate mea et1 assensu pro debitis suis solvendis et feudo sibi retinendo in pre- sencia mea et regali curia concessione Marie uxoris sue et Beatricis sororis sue et Willelmi de Monliart, eius mariti, vendidit domui hospitali Alamannorum Accon et fratribus eiusdem hospitalis prenominatam domum suam cum omni- bus pertinenciis suis pro duobus milibus et septingentis bisantiis sarracenatis. Que videlicet domus ab oriente adheret domibus Montis Thabor et domibus Beloais et vie regie et domibus, que fuerunt Petri Bordin; ab occidente domui Bonefrage filii Sahit et rue Iudeorum et domui Iudeorum et stabulo Renerii scriptoris; et a septentrione domui Marie, uxoris quondam sacerdotis ecclesie sancte Marie Magdalene; et a meridie vie regie et domui, quam domina Hau- his tenebat. Pro cuius domus empcione, quam ipsa tenebat, predicti fratres hospitalis dederunt eidem Hauhis1 ccc bisancios sarracenatos et duas marchas argenti. Cuius eciam domus, quam ipsa Hauhis tenebat, omne ius, quod pre- dictus Iohannes Tortus habebat et expectabat in ea habere, dicte domui hospi- talis et fratribus vendidit et quietum clamavit. Sciendum est autem, quod prenominata domina mea pro concessione vendicionis dicte domus Iohannis Torti a fratribus dicti hospitalis cc bisancios habuit. Ut autem ista venditio et veuditionis confirmatio rata in perpetuum et stabilis permaneat, presentem

cartam sigillo meo et testibus subscriptis feci corroborari. Huius rei testes sunt Aymarus Cesariensis, regni mariscalcus; comes Bertholdus3; Vilanus de Alneto; Philippus de Ibelino; Garnerus Alamannus; Galterius Cesariensis; Gor- mundus de Bethan; Aymo Dais; Adam Coste; Thomas, vicecomes Acconensis. Factum est hoc anno dominice incarnationis m° cc° vi° prima die mensis maii. Datum Accon per manum domini Radulfi Acconensis dechani regnique can- cellarii.

I, 19v. n. 32. 1. e B. 2. haulis B. 3. Comes Bertot testis Iulianae in supra laudato diplomate de 1207 febr. Pauli I, 95.