Ad rei geste memoriam. Provide constat deliberatione statutum, ut ea, que inter mortales aguntur, ne processu temporis incommodum oblivionis in- currant, scripture testimonio commendentur in memoriam posteris relinquende. Hinc est, quod, cum venerabilis pater episcopus Ebronensis, frater Bartholomeus de Fossa nova, traxisset in causam religiosum virum fratrem Popum magistrum sancte Marie Theuthonicorum et eius conventum coram magistro Matheo cano- nico et preceptore Sepulchri Dominici, subdelegato a venerabilibus patribus do

minis Liddensi episcopo et Bethlemitano electo, auctoritate literarum domini pape iudicibus delegatis pro iam dicto episcopo, quarum literarum domini pape et sub- delegationis prefato magistro Matheo suscepte1 a predictis iudicibus tenor talis est: „Innocentius" (n.Wl) et „Arnoldus" (n.102). Super quibusdam vero rebus in libello contentis porrecto procuratori magistri et conventus, cuius forma talis est: „Coram vobis, domine Mathee, venerabilis canonice et preceptor1 Do- minici Sepulchri, subdelegate a venerabilibus patribus domino Liddensi episcopo et domino Bethlemitano electo auctoritate literarum domini pape iudicibus dele- gatis, proponit frater B(artholomeus) episcopus Ebronensis pro se et capi- tulo eius et ecclesia sua Ebronensi contra venerabilem dominum magistrum et conventum sancte Marie Theuthonicorum, quod ipsi detinent ininste in dampnum et gravamen ecclesie Ebronensis quasdam domos in burgo Montis Musardi in Ta- uaria sitas in territorio ecclesie Ebronensis prope ecclesiam sancte Trinitatis et iuxta domum Philippi Tanaor, et unam aliam vultam parvam, que est in ruga sancte Katherine, quam dedit nobis dominus Turricus de Oufholt miles, que sita est in domibus, que fuerunt predicti militis, infra terminos in suo privilegio com- prehensos, que omnia pertinent ad ius et proprietatem ecclesie Ebronensis iure dominii vel quasi, et paratus est dictus episcopus eis ostendere iudicis arbitrio. Quare petit dictus episcopus domos predictas per vos, domine iudex, sententiali- ter adiudicari sibi et ecclesie Ebronensi cum omni causa et iuribus suis, et dictos magistrum et conventum compelli ad restitucionem predictarum domorum cum pensionibus inde perceptis a viginti annis retros, quas estimat tria milia bisan- tiorum sarracenatorum, et hec proponit salvo iure addendi vel minuendi, et petit expensas, factas protestatur et faciendas." Magister vero et conventus in defen- sione iuris domus predicte excipiendo proposuerunt sub hac forma: „Frater Gualterius procurator domus sancte MarieTheuthonicorum excipiendo proponit procuratorio nomine, quod vos magister M(atheus), Iherosolimitanus canonicus, non habetis aliquam iurisdictionem nec habere potestis auctoritate literarum ad vos obtentarum per venerabilem patrem dominum episcopum Ebronensem et eius capitulum in magistrum et fratres predicte domus, cum ipsis magistro et fra- tribus a sede apostolica sit indultum, ne possint conveniri auctoritate literarum domini pape, nisi in ipsis literis fiat mentio de eorum ordine; et producta fue- runt privilegia ex parte Theuthonicorum ad probandas exceptiones predictas: „Gregorius episcopus servus servorum dei dilectis filiis Hermanno magistro hospitalis sancte Marie Theuthonicorum Iherosolimitani salutem et apostolicam benedictionem. Vestra religio, cuius bonus odor longe lateque diffunditur, specia- lem apostolice sedis favorem et graciam promeretur" ete." Item: „Innocentius episcopus servus servorum dei magistro et fratribus Theuthonicorum. Quieti vestre providere volentes auctoritate vobis presencium indulgemus etc." — Tan- dem pro bono pacis et concordie, et quia erat honerosum et sumptuosum utri- que parti iudicio litigare, nomine transactionis ad talem concordiam devene- runt, videlicet quod magister et conventus prefati convenerunt et promiserunt dare et solvere seu dari et solvi facere predicto episcopo et eius capitulo vel

eorum certo nuncio pro domibus in libello petitis septem bysantios sarracena- tos singulis annis in festo assumpcionis beate Marie virginis de mense augu- sti, promittentes sibi ad invicem habere predicta firma et rata et contra non venire aliquo modo vel iure; et super hiis omnibus renunciant omnibus iuribus, rationibus et actionibus, quibus contra predicta venire possent, et ad predicta firma habenda et tenenda se obligaverunt et suos successores et bona omnia suarum domorum et ecclesiarum sub pena quingentarum marcarum; et pena soluta vel4 non4 nichilominus presens scriptum suam obtineat firmitatem. In futuram rei memoriam et maiorem firmitatem presentem scripturam transactio- nis seu compositionis inter predictos ordinate et composite duxerunt suis bullis plumbeis roborandum. Datum Accon anno domini m° cc° liii° sexto kalendas octobris.

E copiario A. 16 archivi Regimontani p. 28 — 30 mecum communicavit v. cl. A. Meckel- burg, qui notat titulum: Hec est quedam composicio facta inter dominum episcopum Ebronenscm et magistrum hospitalis sancte Marie Theutonicorum super domibus iu burgo Montis Musardi in Tauaria sitis in territorio eclesie Ebronensis, cuius tenor talis. 1. ? expectaveris: commisse. 2. preceptori A. 16. 3. citro A. 16. 4. deest iu copiario.