Coneue chose seit a toz ciaus qui sunt et seront, que je Henri, par la grace de deu rei de Cypre et segnor dou reaume de Jerusalem, otrei et con- ferm en pardurable fie a tei Johan d'Ibelin, segnor de Baruth, et a tes heirs en creissement de ton fie de Baruth le don et le fie, que je donai a Balian d'Ybelin, ton pere, segnor de Baruth jadis, et a ses heirs en creissiment dou fie de Baruth, ce estassaveir: Casal Ymbert, le Fierge, le Quiebre, la Sebeque, Jasson, la Guille, Quafrenebit, la Meserefe, Douheyrap, Bene, Samah, la Ga- basie, soient casaus ou prestries ou totes lor apartenances et ou totes lor de- vises et ou totes lor possessions et lor teneures et ou totes lor raisons et lor droitures et lor usages en terres laborees et non laborees, en plains, en mon- tagnes, en aigues, en rivieres, en pasturages, en bois, en jardins, en molins, en maisons, en chemins, en fors, en vileins et en vileines, eaus et lor femes et lor anfanz qu'il ont et aurout, et totes lor droitures et lor usages et en totes les autres choses et les droitures qui as devant diz leues apartienent. E por cestui fie et creissance tu es devenu mon home et tu et tes heirs apres tei en deves et feres a mei et a ceaus, qui la seignorie dou reaume de Jeru- salem tendront apres mei, tel homage et tel servise, com vos devez de vostre fie de Baruth. E por ce que ce seit ferm et estable pardurablement, je ai cestui prevelige fait faire et garnir ou mon seel de plomb de mes coins dou reaume de Jerusalem par la garentie de mes homes de cellui meismes reaume, des quels ces sunt les noms: Bertheleme dou Morf, Phelippe de Nouaire1,

Galter Quelbe Arab e Gautier Lanne. Ce fu fait a Nicossie en 1'an de 1'in- carnacion de nostre segnor mcc et liii el mois de huitovre.

111, 154. 1. 1252 ap. Las Mattrie II, 67 Phelipe de Navaire.